Errugbian, Sarako Izarrako gizonezkoek eta BRT Menditarrak taldeak garaipen garbiak lortu dituzte urteko lehen partidan eta eskubaloian, Errekako bi taldeek irabazi egin dute eta BKTk galdu

Eskualdeko kirol talde gehienek urteko lehen partida jokatu dute asteburu honetan. Futbol talde nagusien artean, Gure Txokoak bederatzi gol eginez Lezon lortutako garaipena eta Doneztebek lider segitzeko lortutakoa dira emaitzarik aipagarrienak. Beti Gazteko gizonezkoek eta Aurrerak berdindu egin dute eta Baztango bi taldeek eta Beti Gazteko emakumeek galdu. Kadete-infantil mailako Giltxaurdiko nesken derbian, Baztanek denboraldiko lehen partida galdu du Beti Gazteren kontra eta mutiko infantilen lehen mailan Doneztebek irabazi dio Baztani Giltxaurdin. Errugbian, Sarako Izarrako gizonezkoek eta BRT Menditarrak taldeek etxean erraz irabazi dute urteko lehen partida eta saratarrek lider segitzen dute. Eskubaloian, garaipena Errekako emakume nahiz gizonezkoentzat (partidarik galdu gabe segitzen dute hauek) eta porrota Baztango BKT taldearentzat.