[BIDEOA] Berastegi inguruan ibili dira Arkupeak elkarteko mendizaleak

Ttipi-Ttapa uzt 17, 14:00 Mendialdea

Arkupeak jubilatuen elkarteko mendi taldeko 80 bat lagun Berastegi inguruko mendietan ibili ziren uztailaren 6an, hileroko irteeran. Berastegiko herrigunetik abiatu eta San Lorenzo baseliza eta Gorosmendin barna, Leitzarekin muga egiten duen Ipuliño mendia inguratu zuten, berriz ere Berastegira itzultzeko. Berastegiko Ategi jatetxean bazkaldu zuten giro ederrean. Bideoa: Joxe Zubieta

Disc golfa entrenatzen hasiko dira asteazkenetan Donezteben

Ttipi-Ttapa uzt 16, 19:00 Malerreka   Doneztebe

Azken urteetan pixkanaka goiti egiten ari da Donezteben disc golfa praktikatzeko afizioa. Horren erakusgarri, hemendik aitzinera asteazkenetan elkartuko direla Intzakardiko parkean 19:30ean praktikatzeko. Kirola egiteko beharrezko diskoak Doneztebeko udalak erosi ditu. Mikel Ibarrola izanen da irakasle eta ez da aitzinetik izena eman beharrik. Intzakardin agertzearekin aski izanen da.