Ezbeharra atzo goizaldean gertatu zen Berako Agerra auzoan. Tximiniak su hartu zuen lau solairuko etxebizitzan eta teilatura zabaldu zen. Zorionez, onik atera ziren barrenean zeuden zazpi lagunak, baina kalte material handiak izan dira. 

Azken asteetan Lesakako ikastetxeetako patioak behin baino gehiagotan zikinkeriaz beteak aurkitu dituzte eta kanpoko materiala hondatua ere agertu da. Magala haur eskola, Irain eskola eta Tantirumairu Ikastolako patioez gain, Beti Gazte sokatira taldearen lokalean ere kalteak eragin dituzte. Egoera horren aitzinean, hiru ikastetxeetako eta Beti Gazteko ordezkariak elkartu ziren ortzegun honetan udal ordezkariekin herriko etxean eta salaketa publiko komun bat egitea erabaki zuten.