Foruzaingoak jakitera eman duenez, gaur goizean Belatetik behera zetorrenean kamioi artikulatu bat bidetik atera eta irauli egin da. Kabinaren barnean bi pertsona zeuden eta, horietako bat, 52 urteko emakumea, zauri arinekin eraman dute Oronozko osasun etxera. Istripua artatzera joan dira suhiltzaileak, mediku-erizain taldea eta bi anbulantzia. Foruzainak arduratu dira trafikoa ordenatzeaz.

Bi egunez, ekainaren 15etik 16ra, 36 orduz itxita egonen da Belateko tunela. Zehazki, tuneleko lanak direla eta, astelehen goizeko 8etatik astearte arratsaldeko 8etara Belateko errepide zaharretik ibili beharko da bi noranzkoetan.