Bi egunez, ekainaren 15etik 16ra, 36 orduz itxita egonen da Belateko tunela. Zehazki, tuneleko lanak direla eta, astelehen goizeko 8etatik astearte arratsaldeko 8etara Belateko errepide zaharretik ibili beharko da bi noranzkoetan.

Asteburu honetan, berriz ere, bizikidetzaren aurkako eraso onartezin bat jasan dute Lesakako Matxinbeltzenea aterpetxean ostatu hartua zuen jendeak. Larunbat gauerdian, herriko nerabe talde batek aterpetxera etorritako jendeari eraso egin zion. Ondoko aparkalekutik zaborrontzi bat garraiatu, eta sarrerako atea jo eta jo ibili ziren kristala hautsiz eta zabor poltsak lurrean barna utziz. Aitzineko asteburuan harriak botaka ibili ziren eta sarrerako ateko kristala lehertu zuten.