Mendialdea

Banakako Urrezko aizkolari txapelketako finalerako azken txartela banatuko da maiatzaren 28an Amurrion

Jon Rekondo leitzarra eta Donato Larretxea aranztarra ariko dira, Joseba Otaegi eta Xabier Zaldua gipuzkoarrekin batera 

Urrezko Banakako Aizkolari txapelketa-Eusko Label Sariko hogeigarren edizioko azken finalerdia jokatuko dute maiatzaren 28an, igandean 12:30ean Amurrion. Lau aizkolari ariko dira lehian, ekainaren 4an Azpeitian jokatuko den finalerako azken txartelaren bila.

Lekunberrik trenbideko ibilbide zaharra apaindu du Bide Berdeen Eguna ospatzeko maiatzaren 27an

Egun osoan hainbat ibilaldi eta jarduera eskainiko dituzte larunbatean

Datorren larunbatean, maiatzaren 27a, hainbat jarduera antolatuko dira aire zabalean, ibilaldiak oinez edo bizikletan, artisautza, bisitaldi gidatuak, eta abar, egun hori familiakoekin edo lagunekin gozatzeko aukera emateko batetik, eta eremu horiek aisiarako, jolaserako eta turismorako erakargarri gisa bultzatzeko bestetik.

Kopako finala jokatuko dute Beti Gazteko futbol-8ko neskek

Kopako finalerdiko itzulerakoa jokatuko du Leitzako Aurrerak eta igoera faseko lehen kanporaketako itzulerakoa Doneztebek

Denboraldia bukatu da eskualdeko areto-futbol, eskubaloi eta saskibaloi taldeentzat, baita futbol eta futbol-8 talde gehienentzat ere. Baina oraindik, jardunaldiren bat edo jardunaldi bat baino gehiago falta dutenek, partida erabakiorrak dituzte. Beti Gazteko futbol 8ko neskek, erraterako, kopako finala jokatuko dute eta Aurrerako mutil helduek edo Gure Txokoako mutiko infantilek finalerdiak. Doneztebe igoera fasean murgilduta dago eta Beti Gazteko talde nagusiak oraindik ez du segurtatua maila mantenduko duela denboraldiko azken partida jokatu baino lehen eta Baztanek igoera dauka oraindik helburutzat. Beraz, emoziorik ez da falta azken txanpan.

Ia bi milioi euro inbertituko ditu Gobernuak eskualdean, uraren goi hornidura, hiri-hondakinak eta banda zabalerako hainbat lan egiteko

2017-2019 aldirako Toki Inbertsioen Planaren barnean 

34 milioi euroko inbertsioa eginen duela iragarri du Nafarroako Gobernuak, uraren goi hornidura, hiri-hondakinak eta banda zabalerako lanak egin ahal izateko. Inbertsio horiek 2017-2019 aldirako Toki Inbertsioen Planaren barne daude. Kopuru horretatik ia bi miloi euro eskualderako izanen dira. 

Bidasoaldeko Lanbide Heziketa zentroaren balizko kokapenak bertatik bertara ezagutu dituzte

Nafarroako Parlamentuko Hezkuntza Batzordeak eskualdeko udal agintariekin batera ikusi dituzte  maiatzaren 23an

Nafarroako Parlamentuko Hezkuntza Batzordeak, EH Bilduren eskaria betez, Baztan-Bidasoaldeko Lanbide Heziketa Zentro Integrala kokatzeko aztertzen ari diren hiru balizko kokapenak bisitatu zituen maiatzaren 23an. Eskualdeko alkateekin batera Narbarten, Oronoz-Mugairin eta Donezteben izan ziren.

Cederna Garalur elkarteak Turismo teknikari bat kontratatu nahi du Uraren Bailarak egitasmoan lan egiteko

Hautagaiek curriculumak aurkezteko azken eguna ekainaren 2a izanen dute

Cederna Garalur elkarteak Turismo teknikari bat kontratatu nahi du URAREN BAILARAK egitasmoan lan egiteko, Baztan-Bidasoa Turismo Garapena izeneko egitasmoaren baitan. Lanpostu honetarako hautagai izateko curriculumak auzkezteko azken eguna ekainaren 2an izanen da.

Sokatirako lauko txapelketako pisu arinean ere agintzen hasiak dira Beti Gazteko mutilak

Neskak, berriz, laugarren izan dira Larraintzarren jokatutako jardunaldian

Nafarroako 4x4 sokatira txapelketako 320 kiloko txapela nagusitasunez irabazi ondotik, 300 kiloko pisu arinenean ere bikain hasi dira Beti Gazteko mutilak. Maiatzaren 20an Larraintzarren jokatutako saioan tiraldi guztiak irabazi zituzten (6 puntu).

Laxoa txapelketako bi multzoetako sailkapen burua hartu dute Iruritako taldeek

Ordezkoek garrantzia hartu dute eta dagoeneko 55 jokalari aritu dira aurtengo laxoa txapelketan

Baztan-Errekako 38. Laxoa txapelketan zazpigarren jardunaldiko lau partidak jokatu dituzte asteburuan. Iruritako bi taldeak berriz ere beren multzoko buru bezala jarri dira Doneztebeko taldeen kontra zituzten partidak irabazi ondoren. Hurrengo jardunaldian, herriko bestak direla eta, iruritarrek atsedena izanen dute. Talde guztietako ordezko jokalariak garrantzi handia hartzen ari dira. Orain arte txapelketan 40 jokalari titularrak aparte, bertze 15 aritu dira, hau da, denetara 55. 

Maila Autonomikora igotzeko lehen urratsa eman du Doneztebe Futbol Taldeak

Beti Gazteko futbol 8ko neskek kopako finala jokatuko dute eta futbol handikoak, aldiz, finalerdian kanporatu dituzte

Kirol denboraldia bukatzear dago eta garrantzi handiko partidak jokoan daude. Futbol handian, Lehen Maila Autonomikora igotzeko faseko lehen partida irabazi du Doneztebek eta Erregionaleko kopako finalerdietako joaneko partida berdindu Aurrerak Leitzan. Baztanek ere garaipena lortu du igoerarekin amets egiten segitzeko eta Beti Gaztek galdu ondotik, azken partidan jokoan izanen du maila mantentzea. Gure Txokoak denboraldiko azken partida irabazi zuen Matzadan. Beti Gazteko emakumeek gazitik eta gozotik dastatu dute asteburuan. Futbol handian Gipuzkoan ari direnek kopako finalerdia galdu egin dute eta futbol-8n Nafarroan ari diren neska gazteek finalerako sailkatzea lortu dute.

Zurukuaineko Aroa upategirat joan dira eskualdeko Solaslagunak

Hondarribiko Mintzalagunekin eta Iruñerriko mintzakideekin batera

Udaberriko ateraldiekin segitzen dute eskualdeko Solaslagunek. Maiatzaren 13a Zurukuaineko Aroa upategirat joan ziren, bisita gidatua egin baitzuten Hondarribiako mintzalagunekin eta Iruñerriko mintzakideekin batera. 

Materia organikoa zuzen bereizteko kanpaina hasi dute Gobernuak, Hondakinen Partzuergoak eta Iruñerriko Mankomunitateak

¿Marrones? Sí, gracias / Organikoak? Bai, mila esker izenarekin materia hori edukiontzi marroian edo konpostajea egiteko makinan botatzearen garrantzia azpimarratuko du

Nafarroako Gobernuak, Nafarroako Hondakinen Partzuergoak eta Iruñerriko Mankomunitateak etxeko hondakinak ongi bereizteko jardunbide egokiak sustatzeko, eta materia organikoa edukiontzi marroian edo konpostajea egiteko makinan botatzearen garrantzia nabarmentzeko informazio-kanpaina bat aurkeztu dute.

«Pisuzko erabakiak herriak hartu behar ditu»

Bide luzea egin du Gure Esku Dagok 2014ko giza-kateaz geroztik. Eta orain, herri-galdeketen txanda da. Ekainaren 18an eskualdeko bederatzi herritan eginen dituzte galdeketak: Arano, Arantza, Areso, Bera, Etxa­­lar, Goizueta, Igan­tzi, Leitza eta Lesaka. Pa­txi Castillo Graziarena Bortzirietako Eman Bor­tzekoa Elkarteko kidea da eta Alaitz Eskudero Bergara Mendialdeko Gure Esku Dago Elkartekoa eta herritarrei parte hartzeko deia egin diete.

Baztan-Bidasoa-Xareta aldeko sei proiektu diruz lagunduko ditu Cedernak

Bera, Baztan, Urdazubi eta Zubietako udalek ez ezik, Narbarte eta Doneztebeko bi enpresa pribatuk jasoko dute subentzioa

2017-2018 aldirako Cederna-Garalur erakundeak prestatu duen Garapen Programaren baitan Baztan-Bidasoa-Xareta aldeko sei egitasmok dirulaguntza jasoko dute. Denera ia 200.000 euro jasoko dute lau udalek eta bi enpresa pribatuk.

Expovacaciones Azokan aurkeztu dute Uraren Bailarak egitasmoa

Baztan Bidasoa Turismo Garapenak eskualdean eginen ditu aurkezpen lanak

Maiatzeko lehen asteburuan Baztan-Bertizarana-Malerreka eta Bortziriak present egon ziren Barakaldoko BECen egin den Expovacaciones turismo azoka handian. Baztan Bidasoa Turismo Garapena, eskualdeko udal gehienak biltzen duen lankidetza bilguneak, gure bailarak promozionatzera joan zen Barakaldora, Nafarroako standaren baitan. 

Koloneko minbizia detektatzeko programa martxan da eskualdean ere

50 eta 69 urte bitarteko pertsonei ailegatu zaie edo ailegatuko zaie informazioa eta proba egiteko kit-a etxera

Nafarroan kolonekoa da minbizirik ohikoena, emakumezkoetan heriotza gehien eragiten duen minbizia mota, eta bigarrena gizonezkoetan. Baina garaiz antzematen bada, heriotza-arriskuak nabarmen egiten du beheiti. Horixe da Nafarroako Gobernuak martxan paratu duen Kolon eta Ondesteko Minbiziaren  Detekzio Goiztiarraren Programaren helburua. Berriki eskualdera ailegatu da. 

90 ikasle inguru bildu ditu Nafarroako Bertso Eskolen Egunak

Bertsopaperen lehiaketako saridunak Lesakako Imanol Mesa, Berako Ekhine Zapiain, Beñat Sanz de Acedo eta Beñat Astiz izan dira

Nafarroako hainbat eskualde eta herrietako bertso-eskoletan diharduten ikasleen topaleku izan zen atzo, maiatzak 7, Irurtzungo herria. Nafarroako Bertso Eskolen Egunak Berako, Lesakako, Arantzako, Igantziko, Etxalarko, Oronozko, Legasako, Doneztebeko, Leitzako, Altsasuko, Iruñeko, Barañaingo, Atarrabiako eta Uharteko ikasleak bildu zituen, eta egun osoko egitaraua eskaini. Hala, bertso-eskoletako ikasleen arteko harremanak bultzatzeko eta elkar ezagutza sustatzeko aukera eskaini zuen egunak. 

Ireki kanpainari babesa emateko elkarretaratzea egin dute Baztan-Bidasoaldean

Ekainaren 17an Gasteizen eginen den manifestaziorako deialdia egin dute

Ireki kanpainari babesa emateko Baztan-Bidasoaldean argazkia ateratzeko bildu ziren Zalainen maiatzaren 5ean. Honen bitartez beraien asmoa Ireki kanpainari babesa ematea zen, ekainaren 17an, Gasteizen, eginen den manifestazioaren deialdia zabaldu eta aldi berean sinadura bilketa indartu (oraindikan martxan dago). «Baztan-Bidasoako langileon bultzadaz preso eta iheslariak etxerako bidean!», adierazi zuten maiatzaren 5eko elkarretaratzean.

Bidasoko Txirrindulari Itzuliko lehen etapak Irrisarri Land-en izanen du helmuga maiatzaren 10ean

Maiatzaren 11an eta 13an ere eskualdean barrena ibiliko dira txirrindulariak

Maiatzaren 10ean, asteazkenean abiatuko da txirrindulari afizionatuei zuzendutako Bidasoko Itzuliaren 45. edizioa. Lehen etapa hori asteazken arratsaldeko 2:30ean abiatuko da Irundik eta eskualdean barrena ibiliko ondotik, Igantziko Irrisarri Land parkean izanen du helmuga.

Zurukuaineko Aroa upategirat joanen dira Solaslagunak maiatzaren 13an

Hondarribia, Izarbeibar eta Iruñerriko mintzakideekin batera

Udaberriko ateraldiekin segitzen dute eskualdeko Solaslagunek. Hurrengoa maiatzaren 13an eginen dute, Zurukuaineko Aroa upategirat, bisita gidatua eginen baitute Hondarribiako mintzalagunak, eta Izarbeibar eta Iruñerriko mintzakideekin batera.