Ekonomia

Nafarroako gobernuak Areso, Arantza eta Iturengo udaletxeekin plan munizipaletan elkarlan hitzarmenak izenpetu ditu

Hamar udalerriren plan munizipaletako aurrekontuaren %80 ordainduko du Nafarroako Gobernuak. Honi esker, lurzoruaren okupazio estrategia hobetuko dute, garapen iraunkorra sustatuz eta herritarren bizi kalitatea hobetuz.

Bazken aldizkatze ikastaroa eginen dute Anizen apirilaren 29an

Hazitik Hozie elkarteak antolatu du Baztango agroekologia eskola herritarraren barnean eta Anizko Aitor eta Mikel Azkarate anaiek eskainiko dute Jauregian

Baztango agroekologia eskola herritarraren barnean Hazitik Hozie elkarteak bazken aldizkatzeari buruzko ikastaroa antolatu du. Aldizkatze teknikak lurrari lotutako abeltzaintzarako beharrezkoak dira, tokiko baliabideetarat egokitutako manejuak direlako. Anizko Aitor eta Mikel Azkarate nekazaritza ekologikoaren bidetik bazken aldizkatze teknikekin ari dira eta ikastaro honetan, beraiek ikasitakoa interesa duten guztiekin elkarbanatuko dute. 

“Nik herri bizi bat nahi dut, zuk?” kanpainaren balorazio positiboa egin du "Denok bat" federazioak

Kanpaina honen bitartez eskualdeko herritarrei ohartarazi nahi zitzaien zein eginkizun garrantzitsua duten komertzioek, zerbitzuek zein ostalaritzak. Izan ere, federazioaren iritziz, gure herrietan, karriketan argia, poza eta bizia mantentzeko beharrezkoak dira bertako komertzio ttikiak.

Karbono Aztarnaren Ziurtagiria jaso du Transbidasoa garraio enpresak

Negutegi efektuko isurpenak ezagutu eta kontrolatzea ahalbidetzen duten enpresa-praktiken errekonozimendua Manu Ayerdi presidente ordearen eskutik jaso du

Alkaiagan egoitza nagusia duen Transbidasoa errepideko garraio enpresak AENORek ematen duen Karbono Aztarnaren Ziurtagiria jaso du azaroaren 23an, Nafarroako Gobernuko Manu Ayerdi presidente ordearen eskutik. Agiri honek, bertze abantailen artean, enpresaren isurpenak ezagutzea eta kontrolatzea ahalbidetzen du eta honela, bere sinesgarritasuna eta konpetibitatea hobetu.

Zalaingo langileek lantegiaren egoera kritikoa salatu dute

Condesako langileek beraien egera kritikoa salatzeko elkarretaratzea egin dute martxoaren 5ean, ortzegunean 11:00etatik 12:00etara Lesakako Plaza Zaharrean. ELA eta LAB sindikatuek deituta, Zalaingo lantegikoak ez ezik, Berriobeiti eta Legutiokoak ere bildu dira Lesakan, Bortzirietako udal ordezkariekin batera.

Denok Bat Federazioan bildu dira Baztan-Bidasoaldeko komertziante eta zerbitzu elkarteak

Bezeroen fideltasuna saritzeko deskontuak eskaintzen dituen giltzaria atera dute

Baztan, Bera, Doneztebe eta Lesakako komertziante eta zerbitzuen elkartetako bazkide diren 280 establezimenduk bat egin dute Denok Bat Federazioan. Irailaren 11n Malerrekako Mankomunitatean egindako aurkezpenean aipatu zutenez, hainbat helburu ditu Cedernaren laguntzarekin sortu den Federazioak: «elkartekideak diren profesionalen defentsa egitea eta herritarrei zerbitzu elkartu bat ematea eta horretaz gain, ilusioa zabaltzea, gure herritako bizilagunek bertan bizi eta eros dezaten eta, horrela, guztion artean antolatzeko modu berrietara zabalik dagoen eremua sortzea, landa-eremua ere lehiakorra izan daitekela erakutsi».

Aurtengo denboraldian inoiz baino baserritar eta azienda buru gehiagok erabiliko dute Erdiz

Lizartzuko, Belateko eta Erdizeko Baztango herri-bazkalekuen udako denboraldia duela gutti hasi zen

Urtero bezala Baztango herri-bazkalekuetako udako denboraldia maiatzaren 9an Lizartzun eta maiatzaren 31n Erdiz eta Belaten hasi zen eta, azkeneko urte hauetako bideari jarraikiz Erdiz erabiliko duten baserritarren eta azienden kopuruak goiti egin du. Aurten 106 baserritarrek erabiliko dute Erdiz eta behi-buruak, 550 denera, Erdizen alatuko dituzte.

Legasako AMDS Processing-eko lantegiaren egoeraz eta etorkizunaz kezka agertu du Langile Komiteak

2010ean baino 60 langile guttiago izan arren, lan zama handia dutela dio

Langileek euren etorkizunari buruzko «inolako informaziorik gabe segitzen dutela» adierazi du Langileen Batzordeak ohar bidez, eta gaineratu duenez, «enpresa enplegua suntsitzen ari da, lantegian gauden langileak dagoen lan zamarekin gainezka gauden bitartean». Egoera «kaotikoa» bizi dutela jakinarazi du, «antolakuntza falta izugarria dago eta planifikazio eza egunero ikusten da». Egoeraren aitzinean, bideragarritasun plan bat mahai gainean jartzeko eskatu diote zuzendaritzari.

1.334 lagunek lan bila segitzen dute eskualdean

Ekainean baino 22 lagun guttiago izanik ere, %46ak ez du inolako langabezia-prestaziorik kobratzen gaur egun

Azkeneko zazpi hilabeteotako joera segituz, beheiti egin du langabetu kopuruak eskualdean abuztuan. Hilabete hondarrean 1.334 langabetu zeuden Doneztebeko Enplegu Bulegoan izena emanak, ekainean baino 22 guttiago. Beraz, %.1,62 jautsi da langabetu kopurua, Nafarroa osoko datuei erreparatuz, kopuruak murriztu egin dira. Hala ere, portzentajean, inolako langabezia-prestaziorik kobratzen ez dutenen kopurua goraka doa hilabetetik hilabetera.

Gizarte Segurantzan izena emandakoen autonomoen kopurua jautsi da

Azkeneko hiru urteotan 116 autonomok utzi diote kotizatzeari

Pasa den uztailean, TTIPI-TTAPAren Hego Euskal Herriko eremuan 2.297 langile autonomok kotizatzen zuten Espainiako Gizarte Segurantzan. 2011ko datuekin alderatuz gero, herri gehienetan beheiti egin dute kopuruek baina Elgorriaga, Eratsun, Ituren, Sunbilla eta Urdazubin gora egin du langile autonomoen kopuruak, eta Bertizarana eta Zubietan ez dago aldaketarik.

Ekonomia solidariorako proposamenak aurkeztuko ditu

Bizkortasun sozioekonomiko altuko herrien artean sartu du Gaindegiak Senpere

Demografia oreka, bizi baldintzak, lana eta jarduera ekonomikoa eta zerbitzuetara dauden aukerak hartuz ikerketa egin du Gaindegiak

Euskal Herrian dauden 685 udalerriei erreparatuz, horietako hogeik bizkortasun sozioekonomiko altua dutela ondorioztatu du Gaindegiak, Euskal Herriko ekonomia eta gizarte garapenerako behategiak. Demografia oreka, bizi baldintzak, lana eta jarduera ekonomikoa eta zerbitzuetara dauden aukerak hartuz egin du ikerketa.