Nork eskatzen ahal du laguntza?
- Etxebizitza ohiko bizileku iraunkor gisa erabiltzen duen etxejabeak.
- Bizilagunen komunikate batek.
- Errentan dagoenak, betiere jabearen baimenarekin.
Zer egiteko?
- Etxearen segurtasuna eta egoera hobetzeko.
- Obrarekin energia aurrezteko.
- Bizigarritasuna hobetzeko (bainuontzia kendu eta dutxa jartzea, hodiak eta txorrotak aldatzea…)..
- Irisgarritasuna hobetu eta trabak kentzeko (bereziki adineko eta elbarriendako…).
- Bizitokiak 120 m2-ra arte handitzeko.
- Bizitoki berriak sortzeko (zatituz eta batuz) lehendik dauden etxebizitzetan.
- Berokuntza sistemaren efizientzia hobetzeko.
Zer baldintza bete behar dira?
- Etxebizitza ohiko bizitegi iraunkorra izatea, inola ere ez bigarren bizitokia.
- Etxeak 25 urte baino gehiago izatea, salbu pertsona desgaituendako egokitu edo derrigorrezko arau teknikoak betetzeko baldin bada.
- Obraren aurrekontu babesgarria 2.000 eurotik gorakoa izatea bizitoki bakoitzeko.
- Eskaera egitean obra hasi gabe egotea eta behin-behineko kalifikazioa datatik zenbatuta, sei hilabeteko epean hasi eta 36 hilabeteko epean bukatu beharko da. 15.000 eurotik gorakoa ez duten obra ttikien kasuan, kontsultatu epeak.
- Dirulaguntza emateko, kontuan hartuko dira sustatzailearen familiaren diru-sarrera haztatuak, sustatzailearen adina eta eraikinaren antzinatasuna.
Zein dira laguntza tramiteak dituen urratsak?
- Laguntza eta behin-behineko kalifikazioa eskatzea. Aldi berean egiten dira tramiteak.
- Birgaitze obrak hastea.
- Behin betiko kalifikazioa (behin-behineko eta behin betikoaren arteko epea gehienez ere 36 hilabetekoa izanen da, obra ttikien kasuetan izan ezik.
- Dirulaguntza ordaintzeko ebazpena.
Dirulaguntza motak eskatzailearen arabera
- Partikularrentzako dirulaguntzak. Laguntza hauek familiak dituen diru sarreren araberakoak dira, errenta egokiagatiko erosahalmen-nahikotasunaren indizea (SARA) kontuan hartua. Zehatzago ikusteko, galdetu NASUVINSAk Donezteben edota EZABUk Lakuntzan duen bulegoetan.
- Bizilagunen komunitateentzako dirulaguntzak, pisu etxeen eraikinak birgaitzeko obrak egiteko. Bi modalitate daude:
– 25 urte baino gehiagoko eraikinetan oztopoak kentzeko.
– 25 urte baino gehiagoko eraikinetan inguratzaile termikoa edo energia efizientzia hobetzeko. - Alokairura bideratutako etxebizitzak birgaitzeko dirulaguntzak. Kasu honetan, baldintza espezifikoak bete behar dira. Galdetu NASUVINSAk Donezteben edota EZABUk Lakuntzan duen bulegoan.