Kirola

Goizuetako Umore Ona pilota txapelketako hirugarren jardunaldia jokatu dute asteburuan

Nafarroako Kirol Jokoetan, 22 urtez azpikoen partida irabazi zuen Goizuetako bikoteak

Goizuetako pilota txapelketaren hirugarren edizioa antolatu du Umore Ona pilota elkarteko eskolak eta joan den ostiralean eta larunbatean jokatu dute hirugarren jardunaldia. Nafarroako Kirol Jokoetako partida ere irabazi dute Umore Onako Aizkorbek eta Apezetxeak.

Euskadiko 4x4 sokatira txapelketa irabazi dute Beti Gazteko mutilek

Neskak bosgarren izan ziren igandean Laukizen (Bizkaia) jokatutako finalean 

Igandean aurtengo Euskadiko lauko sokatira txapelketaren azken jardunaldia jokatu zen Laukizen (Bizkaia). Emakumezkoek 260 kilotan eta gizonezkoek 300 kilotan finalak jokatu zituzten. Gizonezkoetan txapela lortu zuen Beti Gaztek eta emakumezkoetan bosgarren izan zen Lesakako laukotea.

Juanena-Endikak eta Uterga-Azpirozek irabazi dute finalerdietako lehen partida

Saldiasko bikoteak 40-31 irabazi zien Doneztebeko Ezkurra II.a eta Etxeberria III.ari eta Utergal eta Azpirozek 40-37 Ansa II.a eta Barrenetxea IV.ari

Binakako erremonte txapelketako finalerdietako lehen jardunaldia jokatu zuten larunbatean Galarretan eta Juanenea-Endika eta Uterga-Azpiroz dira abantaila hartu duten bi bikoteak. Saldiaskoek 40-31 irabazi zieten Doneztebeko Ezkurra II.a-Etxeberria III.ari eta bigarrengoek 37-40 gainditu zituzten Ansa II.a eta Barrenetxea IV.a. 

Areto-futboleko derbian Aurrera nagusitu zaio Gure Txokoari

Menditarrak BRT errugbi taldea denboraldiko bigarren garaipena lortu du Lekarozen

Joan den urtean Gipuzkoako bigarren mailan jokatu zen areto-futboleko derbia lehen mailan jokatu dute aurten Aurrerak eta Gure Txokoak, leitzarrek eta beratarrek mailaz igotzea lortu baitzuten. Ostiralean Leitzan jokatutako partidan etxekoak nagusitu ziren. Futbol handian ez da berri on gehiegi izan asteburu honetan. Talde nagusien artean Gure Txokoak bakarrik lortu du garaipena. Errugbian, denboraldiko bigarren garaipena lortu du Menditarrak BRT talde nagusiak.

Aresoko Udalak mendi taldean federatzeko diru-laguntzak eman ditu

Aresoko Udalak herritarrei mendi taldean federatzeko laguntzak ematea onartu du. Zehazki, %15eko beherapena izanen dute. Horretarako, bai aurretik federatuta daudenek eman beharreko pausoak, baita lehenbizikoz federatuko direnek segi beharrekoak ere zehaztu dituzte.

Poloniako Wisla Plock taldearekin fitxatu du Niko Mindegia doneztebarrak

Gaur egun Txapeldunen Liga jokatzen du, Xavi Sabaté entrenatzaile kataluniarraren eskutik

Niko Mindegia eskubaloi jokalari doneztebarrak, Poloniako Wisla Plock taldearekin sinatu du datorren hiru denboraldietarako. Gaur egun Champions-a jokatzen duen talde indartsua da Poloniakoa eta Xavi Sabaté kataluniarra izanen du entrenatzaile gisa. 

1.270 lagun ari dira eskualdeko talde kiroletan Nafarroa eta Gipuzkoako ligetan

Erdia baino gehiago, 735, futbolean ari dira

1.270 kirolari ari dira eskualdeko taldetan, Nafarroako eta Gipuzkoako ligetan (Sara eta Senperekoak kontuan hartu gabe). Horietatik gehienak, 735 futbolean eta futbol-8an ari dira, Aurrera, Baztan, Beti Gazte, Doneztebe eta Gure Txokoan. eskubaloiak 300 kirolari biltzen ditu, BKT eta Errekan; errugbian 96 lagun ari dira BRT-Menditarrak taldean; areto-futbolean 76 ari dira, Aurreran eta Gure Txokoan eta saskibaloian 63, Berako Toki-Ona Bortziriak taldean.

Baztango eskuz binakako XXXVII. Pilota txapelketaren finalak jokatu dituzte abenduaren 9an

Txarutak antolatuta, partida batzuk Elizondon eta bertzeak Iruritan jokatu zituzten igandean

Txaruta elkarteak antolatutako Baztango 37. Eskuz binakako pilota txapelketako finalak jokatu zituzten abenduaren 9an, Elizondon eta Iruritan. Urriak 6an hasi zen txapelketa eta bi hilabetez 285 partida jokatu dituzte. Bitxikeria bezala, aipatu behar da Bartzelonako pilotari batek, Soriako bertze batek, Baños del Rio Tobiako bik eta Laudioko bertze batek ere parte hartu dutela 290 pilotarien artean. Hau da, 145 bikote aritu dira txapelketan, 

Euskadiko txapeldunorde izan da Fernando Etxegarai koxkor biltzen

Txantreako Aitor Blanco bi segundorengatik nagusitu zitzaion abenduaren 2an Arratzun (Bizkaia)

Abenduaren 2an jokatu zen Arratzuko frontoian Euskal Herriko koxkor biltze txapelketa eta bi segundo eta 29 ehunenekorengatik jantzi zuen txapela Txantreako Aitor Blancok. 6 minutu 14 segundo eta 44 ehuneneko behar izan zituen. Bigarren sailkatu zen Fernando Etxegarai beratarrak, berriz, 6 minutu 16 segundo eta 73 ehuneneko behar izan zituen. Beraz, ezin izan zuen bere hamabigarren txapela jantzi Berako kirolari handiak.

Koteto Ezkurra saritu du Gobernuak Nafarroako kirol-arloko «erreferente eztabaidaezin» bezala

Horrela adierazi zuen Uxue Barkos lehendakariak Nafarroako Gobernuaren Kirol Merezimenduaren 18 sari banatzeko egindako ekitaldian eta Javier Eseverrik ere urrezko domina jaso zuen

Nafarroako Lehendakari Uxue Barkosek zuzendu du Foru Gobernuak aurten Kirol Merezimendurako 18 sari emateko ekitaldia. Javier Eseverri areto-futboleko jokalaria eta Koteto Ezkurra erremontista «erreferente eztabaidaezinak» direla adierazi du, haien bi hamarkadako ibilbide profesionalean jasotako palmaresetik haratago, «eredugarritasun inbidiagarria erakutsi baitute kirolarekin loturiko balioen transmisioan». 

«Beti euskal taldea izan gara eta orain Euskal Herrian jokatzen dugu»

PATXI JAUREGI Sarako Izarra Errugbi Elkarteko lehendakarietako bat

Frantziako ligan 40 urte baino gehiagoko ibilbidea alde batera utzita, aurten Euskal Herriko ligan jokatzen hasi da Sarako Izarra errugbi elkarteko helduen taldea. Kontent dira hautuarekin.

«Partiden erritmoa bizitzen dut baina beti ez da onerako»

Ugaitz Elizalde, Iturengo pilotaria

Txaruta, Erreka eta Zugarralden aritu ondotik, azaroaren 3an Garferekin debutatu zuen Ugaitz Eizaldek. «Ilusioz» hartu du deia eta patidetan «onena» ematen ahaleginduko da iturendar gaztea.