Atzo egin zuten sari banaketa Elizondoko Arizkunenean, denera 16 ziren aurkeztutakoak eta seik bildu dute aipamen berezia. Aurten ere, bi kategoria bereizi dituzte: leiho edo balkoirik hoberenarena batetik eta etxe fatxadarik hoberenarena bertzetik.

Fermin Arribillagak eta Unax Apeztegia elizondoarrak irabazi zuten ortzirale arratsaldean Labriten jokatu den Nafarroako bosgarren esku pilota Masterra. Lagunak klubeko aurrelariak eta denboraldiko atzelari onenak 18-15 irabazi zieten Oihan Canabal igantziarrari eta Alduntzini, Besarkada-Abrazo elkartearen alde eta maite duen pertsona baten suizidioak eragindako pertsonei laguntzeko eta errealitate hori prebenitzeko jaialdia ireki zuen partidan.