2021eko maiatzean ireki zuten Bego Vielak eta Rafa Alzatek Elizondon Bidaide fisioterapia eta osteopatia zentroa. Hala ere, Vielak bazuen bere zentroa lehenagotik Elizondon, «2015ean hasi nintzen nire kontsultarekin alokairuan hartutako apartamentu batean, baina orain bajera batera mugitu gara eta aldaketa arras positiboa izan da. Jendeak ahoz ahokoarengatik zekien hor nintzela baina ez zen espazio ikusgarria, orain, lokal propioa dugu eta kanpotik ikusten gaituzte. Jendearen erantzuna ere izugarria izaten ari da».