Parkean «denontzako jarduerak» eskaintzen dituzte, «2 urtetatik 102 urtera arteko jendearentzako. Bisitariek elkarrekin naturaz disfrutatzea nahi dugu: haur, gazte, guraso eta aitatxi-amatxiek, denek batera. Tirolinak, donut pistak, hamster gurpil handiak, sarezko pasabideak bola erraldoiekin, zuhaitzen alturaren gainetik ibiltzen diren txirrista bereziak, ur pistak, haur ttikientzako jokoak… gainera, mundu guziko zuhaitz eta landareak ikusteko aukera badugu». Aurtengo udan, gainera, ninja splash parkea irekiko dute, «16 urtetik goitiko jendearentzako, oztopoz betetako zirkuitua eta uretako jokoak izanen dituena».
Jendeak parkea maite du «elkarrekin kirola egiteko eta naturaz gozatzeko aukera ematen duelako. Gainera, Hendaiako hondartzatik hurbil gaude».