Koronabirusak eragindako egoera honetan lanean gogor segitzen duten osasun arloko eta bertzelako langileei txalo zaparradak eskaintzen zaizkie egunero herriz herri, arratseko zortzietan. Argazkiak, Berako Altzate karrikan ateratakoak dira. Zuen herri, auzo eta karriketan egiten diren horrelako eta bertzelako ekitaldien argazki edo bideorik baldin baduzu, animatu eta bidali zure ekarpena 744 484 361 whatsapp zenbakira.

Urruti joan gabe, orain ere faunari lotutako irudi ederrak hartu ditu Jose Ramon Amoros aranztarrak. Martxoa ardiak umatzeko garaia dela dio Amorosek: «gaur egun ia urte guztian ikusten dira bildotsak, baina lehen garai honetan umatzen ziren ardiak». Bildots bat jaio eta ondorengo minutuetako irudiak ere hartu ditu Arantzan, baita txetelak, kukua eta erbia ageri direnak ere.