Arantza

Idoia Altunak irabazi du Arantzako bestetako programaren azal lehiaketa

26 lanen artean berea aukeratu du Kultura Batzordeak

Dermioko Idoia Altuna Bergarak egindakoa izanen da aurtengo Arantzako bestetako programaren azala. Berak irabazi baitu Udaleko Kultura Batzordeak herriko eskolan ari diren neska-mutilentzat antolatutako azal lehiaketa. 

Mentxu Peña izanen da Arantzako alkate datozen bi urteetan

Agintaldi hasieran hartutako erabakiarekin bat eginez, orain arte alkate izan den Juan Migel Almandoz ordezkatuko du 

Duela aste batzuk, orain arte Arantzako udalean alkateordea izan den Mentxu Peña Lizarazuk alkate kargua hartu zuen. Agintaldiaren hasieran, udal taldea osatu zutenean, orain arte alkate izan den Juan Migel Almandozek eta biek bakoitzak bina urte alkatetzan egiteko erabakia hartu zuten. Hala, dagoeneko agintaldiaren erdia pasatu denez, Mentxu Peña izanen da hurrengo bi urteetan alkate. 

Familia barnetegia antolatu du AEK-k Arantzan lehenbiziko aldiz

Guraso eta seme-alaben artean euskaraz aritzeko ohitura sendo­tzeko, familia barnetegiak antolatu dituzte uztailaren 3tik 14ra. Familiak elkarrekin daude barnetegian eta begirale-hezitzaileek seme-alabak zaintzen dituzte gurasoak eskolan dauden bitartean. Hurrengo hiru hamabortzaldietan, abuztuaren akabera arte, euskara ikasteko, hobetzeko eta praktikatzeko euskalduntze barnetegiak antolatu dituzte.

Nafarroako gobernuak Areso, Arantza eta Iturengo udaletxeekin plan munizipaletan elkarlan hitzarmenak izenpetu ditu

Hamar udalerriren plan munizipaletako aurrekontuaren %80 ordainduko du Nafarroako Gobernuak. Honi esker, lurzoruaren okupazio estrategia hobetuko dute, garapen iraunkorra sustatuz eta herritarren bizi kalitatea hobetuz.

Arantzako bestetako programaren azalerako lehiaketa antolatu du Kultura Batzordeak haurrentzako

Lanak uztailaren 3a baino lehen aurkeztu beharko dituzte

Aurten lehenbiziko aldiz, Arantzako bestetako programaren azala edo portada herriko­ haurren batek egina izanen da, Udaleko Kultura Batzordeak haurrei zuzendutako azal lehiaketa antolatu baitu. 

Arantzako txokorik politena aukeratzeko lehiaketa eginen dute bigarren urtez

Uztailaren 15era arte aurkez daitezke txokoen argazkiak eta 29ra arte bozkatzeko aukera izanen da

Arantzako udaleko ingurugiro eta turismo batzordeak, bigarren aldiz, herriko txokorik politena aukeratzeko lehiaketa antolatu du. 
Lehiaketan parte hartu nahi duenak, etxe edo inguruaren argazkia, Dena edo Apezenea janaridendetan utzi beharko du, uztailaren 15a baino lehen.
 Aurkeztutako argazkiak jendaurrean egonen dira uztailaren 29a arte.


Arantza Rock kartel lehiaketa antolatu du Gazte Asanbladak

Abuztuaren 19an ospatuko den jaialdia iragartzeko lanak ekainaren 4eko gauerdia baino lehen aurkeztu behar dira 

Arantzako Gazte Asanblada urteko bere ekitaldi nagusienetako bat antolatzen ari da. Arantza Rock abuztuaren 19an izanen da eta eguna iragartzeko kartel lehiaketa antolatu du aurten ere. Lanak aurkezteko epea, ekainaren 4ko 23:59 arte irekia dago.

Ekainaren 18an eginen den galdeketako galdera zein izanen den jakinarazi du Eman Bortzekoa Elkarteak

Nafar gisa, Euskal Herri burujabe bateko herritarra izan nahi duzu? izanen da bortz herrietan eginen den galdera

Larunbat eguerdian Berako Beralandetan egindako agerraldian aurkeztu du galdera Eman Bortzekoa Elkarteak. Bortz herrietako jendeak parte hartu duen prozesu parte-hartzaile eta ireki baten bitartez adostu dute galdera.

Arantza Hotelak Conde Nast Traveler 2017 saria irabazi du

Bortz izarreko landa-hotelak ihesaldi-hotelaren kategoriako saria irabazi du; izan ere, 2016ko ‘Gold list’ zerrendan sartu dute, bidaiaren munduko izen garrantzitsuenekin batera

Arantza Hotelak, Conde Nast Traveler 2017 saria irabazi du. Urtero-urtero ematen du sari hori bidaia-aldizkari ospetsuak, hotel, konplexu turistiko, spa eta bertzelako turismo-baliabideak saritzeko ‘Gold list’ izeneko zerrenda bakarrean bildu ondoren. Bidaiaren munduko 2016ko izen garrantzitsuenak bildu ditu argitalpenak.

Xuban Ezeiza eta Laura Sola nagusitu dira Arantzako II. Mendi Lasterketan

201 korrikalarik osatu zuten 20 kilometroko ibilbide gogorra eta Joseba Larralde eta Jone Zelaieta beratarrak izan ziren lehen bortziritarrak Ekaitzako kaxkoan 

Xuban Ezeiza nagusitu zen igandean Ekaitza elkarteak eta Arantzako Udalak bigarren aldiz antolatutako Arantzako Mendi Lasterketan. 20 kilometro luze eta 1.300 metroko desnibel gogorreko ibilbidea (Arantzako plazatik abiatu eta medikuaren etxetik barna, Zepuru, Ilurdi, Ekaitza, Ibintza eta Oilargata pasatu, eta Aientsatik Arruzpin barna herriko plazara), eguzkipean egiteko, ordubete, 42 minutu eta 53 segundo behar izan zituen. Iazko irabazlea, Berako Joseba Larralde izan zen bigarren zortzi segundora (1:43:01) eta Iñaki Mihura baztandarra hirugarren (1:45:42). Emakumezkoetan Uztarrozko Laura Sola nagusitu zen eta bi ordu baini guttiagi behar izan zituen lasterketa burutzeko(1:58:19). Vanessa Peláez andoaindarra izan zen bigarren (2:09:10) eta Galarko Izaskun Sanz hirugarren (2:24:30). Denera, 201 korrikalari helmugaratu ziren (horietatik 14 emakume), eta bertze 20 batek lasterketa utzi behar izan zuten.

Etxetik urruti eguneroko min eta gabeziak arintzera

Errusiako bi haur etorriko dira uda honetan gure eskualdera
Atarrabia Elkartasun Elkarteari esker, Andrey ­bosgarren urtez etorriko da aurten Siberiatik Arantzara eta Olga Zubietara. Gisa honetako elkartasun proiektuekin, bertzelako bizi ­ereduak ikusteko aukera dute egunerokoan hainbat gabezia dituzten haur hauek.

Panttaleon Errandonea omendu dute Arantzako II. Trikitixa jaialdian

Ehun musikari baino gehiagoren saioa eta gero

Martxoaren 11n, larunbat arratsaldez, Arantzako udalak antolatuta, Arantzako II.Trikitixa jaialdia egin zen frontoian. Ekitaldi jendetsua izan zen. Ehundik goiti trikitilari eta panderojole, herritarrak ez ezik eskualdeko adin guztietako musikariak elkartu ziren eta era guztietako piezak aditzeko modua izan zen. Saio anitza izan zen. Tartean, Azpeitiko Sahatsa dantza taldeko dantzariek ere, dantzatu zuten eskenatoki gainean. 

Apirilaren 23an eginen den Arantzako mendi lasterketarako izen-ematea ere zabalik da

20 kilometro luze eta 1.300 metroko desnibel positiboa du Ekaitza elkarteak eta Udalak bigarrenez antolatutako probak

Apirilaren 23an, Arantzako II. Mendi Lasterketa izanen da Ekaitza Elkarteko Mendi Batzordeak eta Udaleko Kultura eta Kirol Batzordeak elkarlanean antolatuta. Izen emateko aukera zabalik da www.kirolprobak.com webgunean.

52 emakume elkartu ziren Bortzirietako VIII. Mendi Itzulian Arantzan

Emakumearen Egunaren harira bertze zenbait ekitaldi ere eginen dira datozen egunetan

Martxoaren 8ko Emakume Langilearen Nazioarteko Egunaren harira Bortzirietako VIII. Mendi Itzulia egin zuten martxoaren 5ean Arantzan. Eguraldiak lagundu ez arren, 52 emakume elkartu ziren, lau orduko itzulia emateko. Ondoren Arantzako plazan elkarretaratzea egin zuten, aterpean dutxa hartzeko eta salda dastatzeko aukera izan zuten, Pabloenean bazkari batekin bukatzeko.

Aniztasuna eta parte hartze handia Arantzako kultur egunetan

Baserritarren eguneko lehiaketetan, Otsarrakoak irabazi zuen gaztarena eta Simonekoak ahariena

Urriaren akabailatik azaroaren lehenera, giro ezin hobearekin joan dira Arantzako kultur egunak.
 Aurkezpenak, kantaldiak, magia, solasalfiak, erakusketak… eta denak borobilduz, azaroaren 1ean hogeitabatgarren edizioa bete duen Baserritarren Eguna.

Arantzako eskolako jangelarako sukaldaria eta zaintzailea behar dituzte

Sukaldaria oraingoz urritik abendura aritzeko izanen da eta zaintzailea urritik maiatzera aritzeko. Interesatuek curriculuma irailaren 15erako bidali beharko dute: arantzakogurasoelkartea@gmail.com helbidera.