Elkarrizanen boluntariotza sustatzeko kanpaina aurkeztu dute urriaren 5ean. Kanpainaren helburua da «boluntariotza sustatzea eta Bortziriak komunitate parte hartzaile eta solidario gisa indartzea, gero eta jende gehiagok parte har dezan». Horretarako, hainbat ekimen elkartu dituzte: Elkarrizanen liburuxka, udalerrietako Whatsapp kanalen bidez zabalduko den bideoa eta Osasun Etxearekin landutako boluntariotza errezeta. IKIGAI Bortziriak ideia ere hor dago: boluntariotza bertzeei laguntzeko aukera izateaz gain, norberaren bizitzari zentzua emateko eta komunitatearen parte sentitzeko bide bat ere izan daiteke.

2027ko herriko bestei begira jarri da Arantzako Udala, eta bilera irekia antolatu du ortzirale honetan, urriaren 16n. 18:00etan Herriko Etxean bilduko dira eta herritarrei animatzeko deia egin die.