Etxalarko Usategien XIV. Gastronomia Lehiaketa egin zuten urriaren 23an. Urrezko Paleta Arantzako Burlada jatetxera joan zen; Zilarrezko Paleta Elizondoko Santxotenara; errezeta tradizionalaren diploma Lizuniaga jatetxera; Berrikuntzarako Paleta Madrilgo La Cabaña Argentinara; eta berrikuntza diploma Lizarietako Maison Hordagora.
Denera zazpi jatetxe aurkeztu ziren lehiaketara: Arantzako Burlada, Elizondoko Santxotena, Lizarietako Hordago, Madrilgo La Cabaña Argentina, Berako Lizuniaga, Iruñeko Lana Torino Berria eta Etxalarko Herriko Ostatua. Epaimahaia Nafarroako Gastronomia Akademiak, Euskal Gastronomia Akademiako ordezkari batek, usozale batek eta Alhambra jatetxeko Ignacio Idoate sukaldariak osatu zuten.