Hezkuntza

Helduek DBH titulua eskuratzeko ikastaroa antolatu dute ikasturte honetan ere Baztan-Bidasoaldean

Apirilaren 23tik maiatzaren 11ra irekiko da izena emateko epea 

Baztango Udalak, Malerrekako eta Bortzirietako Mankomunitateak, Gizarte Zerbitzuen bitartez, eremuko institutuekin eta Cederna Garalur elkartearekin elkarlanean, eskualdeko helduentzako irakaskuntza programa publikoa eta doakoa indarrean jartzea lortu zuten 2015ean. Lehen ikasturtean 8-10 lagunek izena eman zuten eta 2016-17 ikasturtean 20 bat lagunek lortu dute DBH titulua. 2018-19 ikasturterako izena emateko epea apirilaren 23tik maiatzaren 11ra irekiko da.

Berrikuntza, sormen eta ekintzailetzarako Eguna ospatu dute Elizondoko Lanbide Eskolan

Martxoaren 7an, Lanbide Heziketako eskualdeko 69 ikasle bildu zituen 

Berrikuntza, sormen eta ekintzailetzarako jardunaldien 7. edizioaren barruan,  eta ‘Etorkizuna lideratzeko ideiak’ lelopean, martxoaren 7an eskualdeko Lanbide Heziketako ikasleei zuzendutako jardunaldia antolatu zen Elizondoko Lanbide Eskolan. Eskualdeko 69 ikasle parte hartu zuten antolatutako hiru tailerretan: Marketing personala, Aurkitu zure elementua eta Ekintzailearen pokerra.

Erakusketa eta mahai-inguruarekin hasiko dira Berako Toki Ona institutuaren 50. urteurrena ospatzen

Maiatzaren 19ko egun nagusiaren aitzinetik hainbat ekitaldi antolatu dituzte

Berako Toki Ona institutua 50. urteurrena ospatzen ari da 2017-18 ikasturte honetan. Egun nagusia maiatzaren 19an izanen bada ere, aitzinetik hainbat ekitaldi eginen dituzte. Hasteko, asteburuero, argazki eta ikasleen lanen erakusketarekin hasiak dira Berako Kultur Etxean. Ortzirale eta larunbatetan eginen dituzte, 18:00etatik 20:00etara (martxoaren 9-10, 16-17, 23-24 eta apirilaren 13-14 eta 20-21ean).

Askin Haur Eskolak aurrematrikula egiteko epea zabalduko du martxoaren 1etik 15era

Martxoaren 3an ate irekien jardunaldia eginen dute Donezteben 

Ikasturte hasiera prestatzen hasi dira Doneztebeko Askin Haur Eskolan, eta martxoaren 1etik 15era eskaerak egiteko aukera izanen da eskolan edota Udaletxean. Epe horren barrenean, dokumentazioa udal bulegoetan aurkeztu beharko da. Haurrak jardunaldi osoan edo erdian matrikulatzen ahalko dira. 

‘Musikari txikiak’ tailerra antolatu du aurten ere Aralar Musika Eskolak

0-3 urteko haurrei eskainia Leitzako Haur Eskolan eta Goizuetako Xalto eskolan eskainiko dituzte • Otsailaren 19ra bitarte eman daiteke izena

Haurren garapenean musika tresna baliotsua izan litekeela uste dutelako, Musikari txikiak tailerra eskainiko du aurten ere Aralar Musika Eskolak. Martxoko ostirale arratsaldetan izanen dira saioak, denera lau. Ikastaro guztia 30 euro kostako da. 

Urdazubi eta Zugarramurdiko ikasleek ez dute Ainhoa eta Sarako eskoletan ikasiko

Gurasoek ezetz erran diote Nafarroako Gobernuaren proposamenari 

Gaur egun 52 ikaslek ikasten dute Urdazubi eta Zugarramurdiko eskola publikoan. Nafarroako Gobernuko Hezkuntza Departamentuak mugaren bi aldeetako ikasleak elkarrekin ikasteko luzaturiko proposamenari ezezkoa eman zioten urte hasieran egin batzarrean. Guztira 33 gurasok hartu behar zuten erabakia, 32k eman zuten beren iritzia, eta horietatik 31k ezezkoa eman zioten proposamenari eta bakarra agertu zen alde.

Ikasketa akaberako proiektu eta lanak egiteko laguntzak emanen ditu aurten ere Baztango Udalak

500 euroko lau laguntza emanen dira eta eskariak aurkezteko  epea otsailaren 28an akituko da

Baztango udalak Baztan ikergai duten ikasketa akaberako proiektu edo lanakegiteko diru-laguntza deialdi berria egin du. Master akaberako lanak ere onartzen dira.  Aurkeztutakoen artean 500 euroko lau laguntza emanen dira. Eskariak aurkezteko epea Nafarroako Aldizkari Ofizialean argitaratu eta hilabete batekoa izanen da (urtarrilaren 31tik otsailaren 28ra arte hain zuzen ere, biak barne). Udaletxeko webgunean ere oinarriak eskuratzen ahalko dira eta edozein zalantzetarako, udaletxerat joaten ahal da.

EAEko ikasketa espediente onenarengatik saritu dute Patxi Castillo beratarra

Goi mailako garraio zikloari dagokion atalean

Euskal Autonomia Erkidego osoko ikasketa espediente onenak saritu berri ditu Kutxa Fundazioak eta Goi Mailako garraio zikloari dagokion atalean, Patxi Castillo Beratarra saritu du. Kutxa fundazioak aurtengoan Irungo Plaiaundi institutua aukeratu du saria banatzeko eta bertan, Institutuak Patxi Castilloren lana saritu nahi izan du, bere nota eta espedientearengatik.

Berako Labiaga ikastolako DBH1eko ikasleak Frantziako Olorongo Ikasleekin elkartrukean ari dira

Kultura ezberdinak ezagutarazi eta zabaltzea helburu duen proiektu Europearrean barruan egindako elkartrukean parte hartu dute Berako Labiaga Ikastolako ikasle eta irakasleek. Frantziako Akitaniako Olorongo zein Bortzirietako ohitura eta tradizioak ezagutzen, ikasten eta partekatzen dabiltza ikasturte guzti honetan zehar, teknologia berriak eta Internet erabilita. Aste honetan ordea, ikasitako guztia beraien azaletik bizi eta ezagutzeko aukera izan dute. 

Kortariko Bordako gasnak bigarren saria eskuratu du Euskal Herriko Artzain Gazta txapelketan

Urriaren 28an Idiazabalen jokatutako txapelketan Mausitxa gipuzkoarra gailendu zen

Arabako, Bizkaiko, Gipuzkoako eta Nafarroako 40 Artzai Gazta ekoizlek parte hartu dute urriaren 28an Idiazabalen XXXIV. Euskal Herriko Artzai Gazta Txapelketan. Epaimahaiak hiru Artzai Gazta onenak saritu ditu, Gipuzkoako Mausitxa (lehen sailkatua), Orabideko Kortaria baserria (bigarren sailkatua) eta Arabako Patxi Lopez de Uralde (hirugarren sailkatua) hurrenez hurren. Horiez gain, publikoak sari berezia eman du, Nafarroako Antsonea gaztandegiari, salmenta postuetan dastatu dituen gazten artean onena nabarmenduz. 

CNAI hizkuntza eskolak eskualderako irakaslea behar du

Ingelera eta frantsesa erabiliz eskolaz kanpoko jardueretan aritzeko Iruritan, Sunbillan eta Donezteben

Irurita, Sunbilla eta Donezteben ingelera erabiliz, Haur eta Lehen Hezkuntzako umeei zuzendutako eskolaz kanpoko jardueretan aritzeko irakasle izateko lan eskaintza egin du CNAI hizkuntza eskolak.

Doneztebeko Agorreta Musika eskolak matrikula epea zabaldu du

Irailaren 4tik 15era 2017-18 ikasturterako izena emateko bigarren epea zabaldu du Doneztebeko Udalak. Interesatuek irailaren 11ra arte 636669750 telefonora deituta edo esmusidoneztebe@gmail.com helbidera idatzita egin dezakete matrikula. Irailaren 11tik 15era Agorretako bulegoa zabalik egonen da 11:00etatik 13:00etara. Inprimakiak eskuragarri daude Udaleko web orrian (www.doneztebe.eus) eta Musika Eskolan.

XXXIV. Txoko-Txiki ipuin eta ilustrazio lehiaketako sariak banatu ditu Lesakako Tantirumairu ikastolak

Ekainaren 9an egin zen ekitaldia, bertso antzeztuak eta bapateko saioaren ondotik 

Lesakako Tantirumairu ikastolak antolatutako XXXIV. Txoko-Txiki ipuin eta ilustrazio lehiaketako sari banaketa egin zen ekainaren 9an. Giroa berotzeko, ikastolako bertso eskolakoek emanaldia eskaini zuten, ‘Goazen’ telebista saioan oinarritutako bertso antzerkia eta oinak emandako bapateko saioa, Estitxu Arozenaren gidaritzapean.