Burgete arrazako zaldi eta behorren XIV. Lehiaketa eginen dute igandean Urdazubin
Igande honetan, urriak 4, Urdazubira itzuliko dira zaldiak eta behorrak, Urdazubiko Udalak eta Ascana elkarteak antolatutako lehiaketaren hamalaugarren edizioa dela eta. Hamalau kategoriatan banatuak 25 ganadutegiko 158 buru lehiatuko dira.
Baztan Futbol Taldeak Erregearen Kopako txartela jokoan izanen du larunbatean Giltxaurdin
urr 02, 08:00 Mendialdea
BRT Menditarrak errugbi taldeak eta Errekako eta Baztango BKTko emakume seniorrek ligako lehen partidak jokatuko dituzte.
Eskualdeko kirol aunitz irailean hasi baziren ere, urriko lehen asteburua ligako lehena ere izanen da zenbait talderentzat. Erraterako, eskubaloian, Errekako eta Baztango BKTko emakumeek ligako lehen partida jokatuko dute, baita errugbian, BRT Menditarrak taldeak ere (Arrasaten). Sarako Izarra errugbi taldeak Azkaineren kontrako derbia izanen du igande arratsaldean Animainean. Gainerakoan, Baztan Futbol Taldeak Erregearen Kopan jokatzeko azken aukera izanen du larunbatean Giltxaurdin. Horretarako, Calatayudetik ekarritako emaitzari (2-0 galdu zuen) buelta eman beharko dio.
![[ARGAZKIAK] Palestinaren aldeko elkarretaratzeak egin dituzte eskualdeko eskoletan](
https://erran.tok-md.com/argazkiak/RMM/cache/1790947718_tokikom_735x413.jpg
)
