Belate tuneletako eta N-121-A errepideko korridore osoko obrek kaltetutako eskualdeko EH Bilduko alkateekin bilera egin ondotik, adierazpenak egin zituzten atzo Ultzamako Bentan, Laura Aznal Nafarroako bozeramaileak. «Nafarroako lehen indar munizipalista gisa, erakundeen arteko parte-hartzea, gardentasuna eta ziurtasunak» eskatu dizkiote Nafarroako Gobernuari. EH Bilduren arabera, «Belateko obrak premia absolutua dira: herritarren beharrak eta interes publikoa lehenetsi behar dira».

Igande goizean Saran jokatutako finaletan, emakumezkoetan Etxalarrek 9-5 irabazi dio Berari eta gizonezkoetan, Senpere 9-2 gailendu zaio Baztani.