Esleipenean sartzen dira N-121-A eta N-121-B errepide nagusiak, Alduderako NA-138 errepidea, Doneztebetik A15 autobidera doan NA-170 errepidea eta bertze 52 errepide. Jarduketa hauek aurreikusi dituzte, bertzeak bertze: Baztan-Bidasoaldeko bideetan neguko bidezaintza lanak egitea; bidezaintza eta larrialdiei erantzutea; bide horiek mantentzea galtzadak, bazterbideak eta arekak garbituz, eta bideak garbi mantentzeko beharrezkoak diren belar-sastrakak garbitzea, mozketak eta inausketak egitea.
Horrez gain, Mugairiko Kontserbazio Zentroa honako gai hauetaz arduratuko da: bide-zolen konponketa; drainatze-lanak; zuloak kentzea; balizajeen premiazko hartunea; segurtasun hesi berriak jartzea; seinalizazioak edo balizajeak berritzea; bide-markak pintatzea eta berriz pintatzea, edo ezohiko larrialdiei aurre egitea.
Nafarroako bide-sarearen kontserbazioak noizbehinkako jarduketak ere barne hartzen ditu, hala nola, trazadura zuzentzea ikuspen faltagatik, arrailak ixtea, ezpondak saneatzea eta sendotzea, eta hormak eraikitzea.