Dagoeneko zabaltzen hasia den Arantzako bestetako egitarau lehiaketako azala eta kontrazala ilustratzeko, eskolako ikasleengana jo dute aurten ere udalak eta besta batzordeak. Denetara 60 marrazki bildu dituzte: 27 marrazki hamar urtera bitartekoen kategorian (azala aukeratzeko), eta 33 marrazki 10 eta 14 urte bitartekoen artean (kontrazala aukeratzeko). Horien artean, Ioritz Iguzkiagirre Irigoienen lana aukeratu dute azalerako eta Aratz Leiza Iturriarena kontrazalerako.

Abuztuaren 2an, igande eguerdian piztuko den txupinazoarekin abiatuko dira ofizialki Berako bestak. Baina San Jose Zahar Etxean aitzineratu eta uztailaren 31n, ortzirale goizean piztu dituzte lehen suziriak eta paratu dituzte lehen aldiz zapi gorriak. Erraldoi Konpartsak ere lehen dantzak egin ditu.