Ortziralean, urriaren 25ean, izanen da Elizondoko udazkeneko feria. Karriketan ez ezik, gaztetxean ere giro berezia izanen dute Elizondon. Goizean, 11:00etatik 15:00etara gaztetxeko materiala salduko dute. Arratsaldean, 18:00etan irekiko dute gaztetxea eta kontzertuak 23:00etan hasiko dira. S.M.O.G eta Mihise taldeen eskutik, kontzertuak izanen dira. Gaua borobiltzeko, Tirri&Tery DJak girotuko ditu bazterrak.

Zozketa abenduaren 9an eginen dute

Arizkun Rock jaialdia laguntzeko zozketa-txatelak egin dituzte. Txartelak bi eurotan paratu dituzte salgai Dolaretxean, Estankoan, Etxeberrian, Okindegian, Ordokin eta Zubi Puntan. Sari andana zozketatuko dituzte: dron batekin nahi duzun argazkia formato digitalean; Gontxean bi pertsonedako gau bat; Non Servium taldeko posterra; Hatortxu Rockeko bi sarrera; Osasunako aurikularrak; Bonito del Norte botea; lepoko zapia; kalkuladora; bi botil ardo; bi bote pate; alkatxofak; kuadernoa; USBa (8 GB); zainzuriak; giltzariak; eta piperrak. Zozketa abenduaren 9an eginen dute.