Azken Erremontari Txapelketa aurkeztu zuten asteartea arratsaldean Orona Fundazioako areto nagusian. Azkena izanen delako ez ezik, bikoteen osaketagatik ere berezia izanen da txapelketa. Erremontari Txapeldunen Txapelketa izanen da, bortz bikoteetatik hiruk Binakako Txapelketa Nagusia irabazia baitute eta, bertzetik, Aldabek eta Barrenetxeak joan den urteko txapela defendatuko dute eta, azkenik, Goikoetxea V.a-Juanenea bikotean banakako azken txapelduna den saldiastarra dago.

Baztan-Bidasoaldeko 21 udaletako alkateek lurraldearen garapen sozioekonomikoa modu koordinatuan eta jasangarrian bultzatzen segitzeko lankidetza hitzarmena sinatu zuten joan den ortzegunean, Donezteben, Aitor Larraza Karrerarekin batera (Cederna Garalurren ordezkari gisa).