Geure buruaz

erran.eus Nafarroako mendialdeko agerkari digitala da, 2015ean sortua, Ttipi-Ttapa aldizkariaren eta Xorroxin Irratiaren eskutik eta Ttipi-Ttapa Fundazioak kudeatzen duena. Erran daiteke, beraz, TTIPI.NET eta XORROXINIRRATIA.COM webguneen oinordekoa dela. erran.eus webguneak gaurkotasuneko gaiak lantzen ditu. Herritarren parte hartzeak berebiziko garrantzia du: ateak zabaltzen dizkie gazte eta jubilatuen taldeei, kultura eta kirol elkarteei, hezkuntza komunitateari, Udal eta mankomunitateei, gizabanakoei...

Denok gara irakurle eta informatzaile erran.eus-en. Erabilerraza da, egitura eta diseinu landuan oinarritua. Software librean dago egina eta DJANGO kudeaketa sistema darabil.

Herritarren zerbitzurako tresna da erran.eus. Izan ere, euskara hutsean idatzitako webgune hau, medio berrietan gure hizkuntza bultzatzeko eta indartzeko erronkarekin sortua da.

Hauexek dira erran.eus-eko helburu nagusiak:

  • 1. Hurbileko informazioaren sorkuntza eta hedapena.
  • 2. Komunitatearen topaleku izatea.
  • 3. Euskara bultzatzea eta indartzea.

Helburu horietarako, komunitate osoaren parte hartzea nahitaezkoa da. Irakurle eta erabiltzaileak dira, erredakzioko kazetariekin batera, erran.eus-eko berri-emaileak. Zu zeu, zauden tokian zaudela, informazio eta iritzi sortzaile bihur zaitezke. Zuzeneko aportazioekin, edo bertze bide batzuetatik hartu dituzun oihartzunak zabalduz. Gainera, erran.eus-eko albisteak ez dira albiste soil eta itxiak: albisteoi erantzuteko aukera duzu, informazioa osatzeko, zuzentzeko, eztabaidatzeko.

Parte hartzeko hainbat bide eskaintzen dizkizu erran.eus-ek: agendako hitzorduak bidaliz, eztabaidetan parte hartuz, bideo eta argazkiak bidaliz, urtebetetze agurrak eta iragarki sailkatuak sartuz,...

Kredituak

erran.eus Ttipi-Ttapa Fundazioak kudeatzen du Xorroxin Irratiarekin elkarlanean.

Softwarea: CodeSyntax