Lezearen eta Pottokaren Ibilbidearen berrikuntza aurkeztu du Zugarramurdiko Udalak, QR bidez eskuragarri dauden eduki multimediekin

Bai Zugarramurdiko lezean, baita Zugarramurdi, Urdazubi, Ainhoa eta Sara lotzen dituen Pottoka bidean ere, QR bidezko informazio berria eskaintzen duten panelak eman dira. 150.000 euroko aurrekontua duen proiektuak paperezko esku-orriak kendu ditu eta esperientzia turistiko jasangarri eta eleanitza sustatzen du. Hainbat gairen inguruan jakingarriak eskaintzen dira: natura, sinesmenak, tradizioa, lanak, historia, jokoak… (bertzeren artean, 3D irudietan lezearen sorrera nolakoa izan zen ere erakusten da).

Asociación Cultural Amigos de la Vinajera kultur elkarteak bigarren urtez antolatu duen Nazioarteko Maskarada Topaketan izan dira joaldunak apirileko azken asteburuan Kantabrian. Zubietakoaren gisa beretsuko inauteak dituzten Sardiniako Mamuthones de Mamoaida, Galizako Folions Ruais Viana do Bolo eta Entroido Ribeirao, Portugaleko Caretos de Arcas eta Caretos de Lazarim eta Arabako Zalduondokoak ere han izan ziren, giro ederrean.