Etxalar

Etxalarko udalak 31.915 euro jasoko ditu Usategietako enkantean ez baita hobekuntzarik eskaini

Irailaren 12an egindako bigarren enkantean ez zen hobekuntzarik izan eta lau postu eman gabe segitzen dute 

Etxalarko Iarmendi inguruko 21 uso ehiza postuen enkantea egin zen irailaren 3an Herriko Etxean. 31.915 eurotan eman ziren, hasierako prezioaren (34.250 euro) azpitik. Izan ere, postu bat izan ezik, denak hasierako prezioan eman ziren eta lau hutsean gelditu ziren. Irailaren 12ko bigarren enkantean ez da hobetzerik eskaini.

Etxalarko udalak 31.915 euro jaso ditu Usategietako lehen enkantean

Etxalarko Iarmendi inguruko 21 uso ehiza postuen enkantea egin zen irailaren 3an, larunbat eguerdian Etxalarko Herriko Etxean. 31.915 eurotan eman ziren, hasierako prezioaren (34.250 euro) azpitik. Izan ere, postu bat izan ezik, denak hasierako prezioan eman ziren eta lau hutsean gelditu ziren.

III. Lasterketa Herrikoiarekin abiatuko dira Etxalarko bestak

Ortziraleko Asau Egunean, Elektropatxaranga arituko da 

Abuztuaren 14tik 18ra ospatuko dituzte Etxalarko bestak. Astelehenean 20:00etan botako dute altxaferoa, baina aitzinetik haur eta helduendako lasterketa herrikoiaren hirugarren edizioa eginen dute eta agerraldi ixila ere izanen da. Ondotik, egunero eta gauero ekitaldi bereziak izanen dituzte, ortziraleko Asau egunarekin bukatzeko.

Etxalarko Usategien enkantea eginen da irailaren 2an

Iraileko lehen larunbat eguerdiko 12:00etan izanen da Herriko Etxean

Etxalarko udalak enkante irekia eginen du aurtengo ehizaldirako Iarmendiko barrutian dauden usategiak errentan jartzeko. Enkantea Herriko Etxean eginen da irailaren 2an, larunbat eguerdiko 12:00etan ahozko eskaintzen bidez. 21 ehiza postuen hasierako prezioa 32.020 eurokoa da.

Kontrabandoari buruzko gaueko ibilaldiak eskaintzen dituzte Etxalarren

Uztaileko eta abuztuko larunbatetan, Santiago Elizagoienen eskutik

Etxalar herria, inguruko mugako bertze hainbat herri bezala, kontrabandorako leku egokia izan zen 1940 eta 1970. urteen artean. Biztanle aunitzek gurutzatzen zuten muga, prezio desberdintasun haundia zuten edo bertze aldean ez zeuden edo debekatuak zeuden merkantziekin. Gauez ibiltzen ziren, aduanetako zergak ordaindu behar ez izateko. Garai hartan alternatiba errentagarri bakarra zen, izan ere ez baitzen lanik eta baserria ez zen nahiko izaten gehienetan. Kontrabandoa ez zegoen gaizki ikusia, alderantziz, mundu guztiak zekien nor ibiltzen zen kontrabandoan eta ahal zuten guztian laguntzen zuten.

Kontrabandoa, gaueko ibilaldiak eskaintzen hasiak dira Etxalarren

Uztaileko eta abuztuko larunbatetan 21:00etan plazatik abiatuta 

Uztaileko eta abuztuko larunbatetan, 21:00etan plazatik abiatuta, kontrabandoko ibilbidea egiteko aukera eskaintzen hasiak dira Etxalarren. 3 ordu irauten du ibilaldiak eta 8 kilometroko luzera du. 

Karmen Etxalarkoa pastoralerako sarrerak salgai jarri dituzte

Irailaren 16an eta 17an, larunbat eta igande arratsaldeko 3:30ean izanen dira emanaldiak frontoian

Bi hilabete falta dira Karmen Etxalarkoa pastoralaren estreinaldi handirako eta etxalartarrek lanean segitzen dute irailaren 16 (larunbata, 15:30ean) eta 17ko  (igandea 15:30ean) agerraldiak prestatzen. Egun horietarako sarrerak ere salgai jarri dituzte dagoeneko.

Karmen Etxalarkoa pastoralaren azken xehetasunen berri eman dute

Irailaren 16 eta 17an izanen da ikuskizuna eta egun osoko besta antolatu dute

Bi hilabete pasatxo falta dira estreinaldi handirako eta Etxalarko pastorala ari da forma hartzen. Ekainaren 25ean egin zuten lehenbiziko mustraka orokorra eta antolatzaileak «gustura» agertu dira bertan ikusitakoarekin. Proiektua finantzatzeko hainbat diru-laguntza ere lortu dituzte, horien artean nagusiena, Nafarroa, Euskadi, Akitania Euroeskualdetik lortuko dutena. Ekainaren 28an Etxalarren egindako prentsa-agerraldia probestuz, karmenetxalarkoapastorala.eus web orria ere aurkeztu dute.

Etxalarko bestak iragarriko dituzten kartela eta azala aukeratu dituzte

Pello San Millan eta Jaione Irigoien izan dira sarituak lehiaketako lehen edizioan 

Aurten lehenengo aldiz herriko bestak iragartzeko kartel eta programaren azal lehiaketa antolatu du Udalak eta dagoeneko erabaki dute zein diren irabazleak. Guztira 5 azal eta 5 kartel aurkeztu dira Pello San Millan arizkundarra izan da kartelaren irabazlea. 50 euro eta herriko ostatuan 2 lagunentzako otordua irabazi ditu saritzat. Azaletan, berriz, onena Jaione Irigoien etxalartarrarena izan da eta 100 euroko saria irabazi du. Kultura zinegotzi batek, Altxatako kide batek eta herriko gazte taldeko kide batek osatu dute epaimahaia.

Kortariko bordako gasna nagusitu da Etxalarko XXV. Lehiaketan

Bezperan, lehen aldiz egindako ardi zakur lehiaketan, herriko bortz zakur aurkeztu zituzten 

Ekainaren 3 eta 4an Etxalarren XXV. gasna eta artisau feria antolatu zen. Nahiz eta asteburuan eguraldi kaxkarra izan, ekitaldia guztiak bete ziren eta jende aunitz ibili da asteburuan Etxalarren. 

Nafarroako soinularien topaketa egin dute Etxalarren

Juan Jose Tomasena herriko akordeoilariari omenaldia eskaini diote eta 130 musikari bildu dira herri bazkarian 

Maiatzaren 6ean Nafarroako hainbat xokotatik hurbildu ziren akordeoilariak Etxalarrera. Eguraldi bikaina lagun, goizean herriko karrikak alaitu zituzten, gero Juan Jose Tomasenari omenaldia egin zitzaion, eta ia 130 lagunek bazkaria egin zuten frontoian. Ilunabar arte akordeoi doinuek herria alaitu zuten. 

Bestetako kartel eta azal lehiaketa antolatu dute lehen aldiz Etxalarren

Maiatzaren 31 bitarte aurkez daitezke lanak Kultur Etxean

Etxalarko Kultura Batzordeak, bestetako azal eta kartel lehiaketa deialdia zabaldu du lehen aldiz. Edonork parte har dezake, bakoitzak nahi bertze lan aurkeztuz. Kartelak A3 tamainan inprimatuta aurkeztu beharko dira eta baita formatu digitalean  ere, 300eko erresoluzioarekin eta bertikalean, edo kartulina edo paper lodian. Azalak berriz, paper lodi edo kartulinan A4 neurrian aurkeztu behar dira eta marrazki edo argazkiak erabilita, diseinu bertikala osatu beharko da. 

Pastoraleko lanak banatzeko boluntarioak behar dituzte Etxalarren

Kultur Etxe sarrerako kortxoan eman daiteke izena

Karmen Etxalarkoa Pastoralaren entsegu eta prestaketekin aitzinera doaz etxalartarrak, eta lanak banatzeko beharra ikusten da. Honen aitzinean lan taldeak banatu dira denen artean lanak errazago egiteko asmoarekin. 

Legeak egitea eta betetzea

Hara legearen tranpa. Legearen ustezko santutasuna, eta ondoriozko nagusitasuna agintarien botere makila bilakatzen da dira. Legeak eurek sortu, eurek aldatu, eta betearazi edo ez betearazi eurek erabakitzen baitute.

Karmen Etxalarkoa pastorala prestatzen hasiak dira Etxalarren

Irailaren 16an eta 17an ehun jokalari baino gehiagok eskainiko dute herri-antzerkia

Prosper Merimée-k idatzitako Carmen nobelan inspiratutako Karmen Etxalarkoa Pastorala prestatzen hasiak dira Etxalarren. Martxoaren 2an Etxalarko Kultur Etxean egindako agerraldian, datorren irailaren 16an eta 17an egitekoa den herri-antzerki jendetsuaren inguruko xehetasunak eman zituzten Migel Mari Irigoien Etxalarko alkateak, Karmen Etxalarkoa Pastorala elkartearen ordezkariek, Gerardo Munguia pastoralaren idazleak eta Pantxika Urruty zuzendariak.

Etxalarko hilarriei buruzko liburua argitaratu du Pello Apezetxeak

 ‘Joandakoen oroigarriak; Etxalarko hilarriak’ izenburupean hainbat jakingarri bildu ditu Etxalarko apezak 

Urte berrian ere liburu berria besazpian hartuta heldu zaigu Pello Apezetxea Zubiri, Etxalarko erretorea. ‘Joandakoen oroigarriak; Etxalarko hilarriak’ izenburupean,  hildakoak gogoratzeko Euskal Herrian eta Etxalarren bereziki erabili diren trikuharri, harrespil eta, Etxalarko eliza inguruan hain dotore ageri diren hilarren inguruko liburua idatzi eta argitara eman du.