Etxalarko eta Berako emakumeek erakustaldia emanen dute Euskal Herriko bote luze txapelketako finalaren atarian

Euskal Herriko bote luzeko gizonezkoen txapelketako finala jokatuko dute urriaren 31n, larunbatean 11:30ean hasita, Iruñeko Antoniutti Parkean. Bizkaiko eta Gipuzkoako gizasemeak izanen dira aurrez aurre, baina aitzinetik, Berako eta Etxalarko emakumeek ere erakustaldia emanen dute. Emakumeen txapelketa ofizialik ez da jokatzen, baina Mendialdeko I. Bote Luze txapelketako finalista izan ziren Etxalar txapelduna eta Bera txapeldunordea izanen dira aurrez aurre, errebantxa kutsua duen erakustaldian. Finala nahiz erakustaldia Youtube bidez ikusteko aukera izanen da, lotura honetan.