Politika

Baztango udaleko plenoak ‘eskratxeak’ gaitzetsi ditu

Aldeko 8 boz eta 4 abstentziorekin, edonoren aurkako ‘eskratxeak’ gaitzetsi dituzte.

Baztango udaleko plenoak atzo eztabaida izan zuen, pasa den asteburuan Aroztegiko proiektuaren aurkako akanpalekuko gertakarien harira. Bertan, Geroa Baiko Viginia Alemán parlamentu-kideari eta Rubén Ziganda Baztango udal zinegotziari zuzendutako ‘eskratxea’ egin zuten herritar batzuek. Bi hauen udal taldeak, Geroa Baik, larrialdi mozio bat aurkeztu zuen udalean, eta atzoko plenoan ontzat eman zen, aldeko Geroa Bairen bi boz, UPNren hiru, Baztango Ezkerraren bi eta Baztango Auzolaneanen batekin, eta EH Bilduren lau abstentziorekin.

Alderdi abertzaleek behera egin dute nabarmen

Egin klik herri bakoitzaren gainean emaitzak ikusteko

Begoña Sanzberro (UPN): «Aurrekontuei bigarren aukera eman nahi izan diegu»

Begoña Sanzberrok Xorroxin irratiari eskainitako elkarrizketan adierazi du, «aurrekontuak ez zituztela onartu gobernu taldeak oztopoak bertzerik ez lituzkeelako jarriko horiek aitzinera eramateko».

EH Bilduk eta Baztango Ezkerrak aurkeztutako aurrekontuak lantzeko «denbora falta» ere salatu du publikoki Begoña Sanzberrok. 

Oposizioak Baztango aurrekontuak trabatu nahi dituela salatu du gobernu taldeak

EH Bilduk eta Ezkerrak proposatutako aurrekontuari emendakina egin, baina aurrekontu berria ez zuten babestu Geroa Bai, Baztan Auzolanean eta UPNk

Baztango udal aurrekontuei buruz piztu den polemikaren inguruan, gobernu taldeak argipenak eman nahi ditu prentsa-ohar baten bidez. EHBildu eta Ezkerraren ustez, "Geroa Bai, UPN eta Baztan Auzolaneanen helburu bakarra aurrekontuak trabatzea zela argi gelditu da, baztandarren ongizatean horrek edukitzen ahal dituen ondorioetan bat ere pentsatu gabe".

Abian prozesuaren baitan otsailaren 20an Espainiako kartzela guztietara martxak eginen dituzte

Baztan-Bidasoaldetik Kordobara joanen dira autobusak, Igor Portu lesakarra dagoen espetxera

Euskal Herria osoan bezala, Baztan-Bidasoan ere, Ezker Abertzaleak Abian prozesuari ekin dio. Prozesu hau abiatzearen arrazoi nagusia, Ezker Abertzalea osatzen duten talde desberdinek (Sortu, LAB, Ernai), beraien ahalmen guztia askatzeko duten zailtasuna eta amankomunean duten proiektua gauzatzeko estrategia birplanteatzea izan dira.

2.217 boto galduta ere EHBildu izan da alderdirik bozkatuena eskualdean

Geroa Bai da bigarren indarra 554 boto irabazita (3.177) eta Podemos indartsu sartu da 2.476 botorekin

Espainiako Gorteetarako hauteskundeak burutu ziren abenduaren 20an. Eskualdeari dagokionez, EHBildu izan da bozkatuena, baina 2011ko hauteskundeetan Amaiur alderdiak lortutako botoekin konparatuz gero, 2.217 boto galdu ditu (orduan 6.169 boto lortu zituen Amaiurrek eta orain 3.952 EHBilduk). Beraz botoen %36 galdu du. Geroa Bai da bigarren alderdirik bozkatuena eta 554 boto irabazi ditu gainera (3.177 lortu ditu orain). 

Igantziko udalean eta Legasako kontzejuan ez da hautagaitzarik aurkeztu bigarren deialdian

Maiatzeko hauteskundeetan hautagaitzarik aurkeztu ez zuten udalerriek bigarren deialdia izanen dute abenduaren 20ko hauteskundeetan.

Igantzi eta Legasan hala ere, udala eta kontzejua kudeatuko duen bizilagunen udal gestora bat osatuko da Nafarroako Gobernutik, zerrendarik aurkeztu ez dutelako herritarrek.

Baztan-Bidasoaldeko afiliazioarekin bildu da Eusko Alkartasuna

Larunbatean egindako Topaketa horretan parte hartu dute, bertzeak bertze, Miren Aranoa Nafarroako koordinatzaileak, Maiorga Ramirez parlamentariak eta Carlos Garaikoetxea lehendakariak

Eusko Alkartasunako Baztan, Malerreka, Bertizarana eta Bortzirietako afiliazioaren arteko topaketa bat ospatu zen larunbatean, Nafarroako egoera politiko berria eta aurretik datorren kurtso politikoko erronka berriak lantzeko. Bertako udaletxeei eragiten dieten hainbat arazoz ere hitz egin zuten, baita toki administrazioaz, N121-A errepideaz eta abeltzantza, mendiak, industria eta komertzio txikia bezalako gai sektorialez ere.  

Herritarren artean ez duela tratu desberdinik egin dio Baztango Udal Gobernu Taldeak

UPNren oharrarri erantzun dio

Baztango Udal Gobernuak ohar batez erantzun dio UPNk etxeak pintatzeko EIOZaren kobraketaren inguruan bidalitako prentsa oharrari. Udal Gobernuaren erranetan, “etxeak pintatzeagatik bakarrik EIOZa ez kobratzea Udalaren ohitura izan da azken hamarkadetan. Legealdi hasieran Udal Gobernu honek ohitura hori mantentzea erabaki zuen estetikoki Baztango paisaia mantentzearen aldeko laguntza bezala”.

Aranon ez du botu bakar bat ere eskuratu UPNk

5 zinegotziak Herri Aierriz taldekoak izanen dira

Ustekabean bi zerrenda aurkeztu dira Aranoko Herriko Etxerako.  Herritarrek osatutako Herri Aierriz eta UPN. Bada, Herri Aierriz taldeak 55 botu eskuratu dituen bitartean, UPNk ez du alerik ere lortu. Hortaz, bortz zinegotziak herrikoak izanen dira.