Sarako Izarra errugbi taldeak 28-14 irabazi zion Akitania Berriko hirugarren mailako finalerdia Parentis taldeari Landetako Leonen eta SA St Maixentais taldea izanen du arerio datorren igandeko finalean; futbolean, hirugarren mailako taldea izanen da Doneztebe heldu den larunbateko derbian Baztani irabazten badio eta eskubaloian, kopako finalerdietarako sailkatu da Errekako gizonezkoen taldea eta Baztango BKTko emakumeek azken jardunaldian izanen dute lauko finalerako sailkatzeko aukera.

Errugbian, Sarako Izarrak Akitania Berriko erregionaleko hirugarren mailako finalerdian garaipena lortu zuen Landetako Leonen eta finala jokatuko du datorren igandean. BRT Menditarrak taldeak ere irabazi egin zuen Lekarozen. Futbolean, Doneztebek bertze garaipen bat lortu du eta zuzenean hirugarren mailara igateko lehen aukera izanen du larunbatean etxean. Baztani derbia irabazten badio, matematikoki igoera lortu eta hirugarren mailako taldea izanen da. Baina Baztanek ere, mailaz igateko aukerei eusteko nahitaez garaipena behar du. Derbiak berez erakargarriak baldin badira, hau emozioz eta helburuz betea dator, dudarik gabe. Eskubaloian, berriz, Errekako gizonezkoek kopako finalerdietarako sailkapena lortu dute eta Baztango BKTko emakumeek, liderraren kontra galdu ondotik, final usaineko azken jardunaldia izanen dute Vianan. Baztandarrak laugarren dira gaur gaurkoz, lauko finalerako postuan, beraz, baina puntu bakarrera dute Grafometal Sporting Viana.

eraz, BKTk irabazi edo berdinduko balu Zizurren jokatuko den lauko finalean izanen litzateke, BM Ardoi, Erreka eta Replasa Beti-Onak taldeekin batera, baina galduko balu kanpoan geldituko litzateke.

BRT Menditarrak errugbi taldeak Lekarozen jokatuko du larunbatean; futbolean, Autonomikako Baztanek eta erregionaleko Aurrerak etxean jokatuko dute eta eskubaloian, Baztango BKTk lauko finalerako sailkatzeko lehen aukera izanen du Elizondon liderrari irabaziz gero eta Errekako gizonezkoek, txapeldunen fasean lehen postua eta lauko finala Donezteben jokatzea lortu eta gero, kopako finalerdietan izanen dira Uharten irabazten badute.

Gipuzkoako ligan ari diren futbol taldeek atseden izanen dute asteburu honetan, Donostiako Real Sociedad taldeak jokatuko duen Espainiako Erregearen Kopako finala dela eta. Baina gainerakoan, kirol asteburu erakargarria dator. Errugbian, Sarako Izarrak Frantziako erregionaleko hirugarren mailako finalerdia jokatuko du Landetan eta BRT Menditarrak taldeak Lekarozen jokatuko du. Futbolean, maila autonomikoan partida garrantzitsuak izanen dituzte Baztanek Giltxaurdin eta Doneztebek Berbinzanan. Eskubaloian, berriz, Baztango BKTk liderra hartuko du Elizondon eta garaipenak lauko finalerako txartela emanen lioke. Errekako gizonezkoek, berriz, kopako partida izanen dute ortzirale arratsean eta Uharten garaipena lortzen badute finalerdietan izanen dira.