Gaur ezagutzera eman dutenez, pasa den abenduaren 13an Sepronako agenteek hiru motorzale harrapatu zituzten ustekabean Mugakosoro Naturgune Babestuaren inguruetan, hiruak matrikula-plakarik gabe. Mugakosoro Kontserbazio Bereziko Eremu izendatua dago eta, arrazoi horregatik, erabat galerazia dago inguru horretan motorrean ibiltzea.

Azken aste hauetan obretan ari dira Leurtzako urtegietan eta horren ondorioz, itxita dago sarbidea. Hasiera batean gaur, azaroak 27, irekiko zutela adierazi bazuten ere, azkenean, abenduaren 2ra arte itxita izanen dela adierazi dute Urrozko Udaletik. Lehendik zegoen aparkalekua egokitu eta bertze bat prestatzeko asmoa dute.