100 txirrindulari baino gehiago espero dituzte asteburuan IrriSarri Landeko enduro txapelketan

  Kirola  Bortziriak  Igantzi

100 txirrindulari baino gehiago espero dituzte asteburuan IrriSarri Landeko enduro txapelketan

Ttikienentzako four-cross lasterketa ere eginen dute Igantzin

Igantziko IrriSarri Land aventura parkean enduro txapelketa jokatuko da asteburu honetan, IrriSarri Bike taldeak antolatuta. Ehun txirrindulari baino gehiago espero dituzte eta konpetizioa ikusteko sarrera doan izanen da.

La Villa hartzeko enkantea ireki du berriz Igantziko Udalak

  Gizartea  Bortziriak  Igantzi

La Villa hartzeko enkantea ireki du berriz Igantziko Udalak

Heldu den urteko bestak pasatu arte alokatzeko asmoa dute eta azaroaren 19rako aurkeztu behar dira eskariak 

La Villa jatetxea eta ostatua hartzeko Igantziko Herriko Etxeak ireki duen enkante berriaren epea akautzeko egun batzuk bertzerik ez dira falta. Alokatzeko saiakera egin zuten irailean, baita lortu ere, baina sanmigel bestak pasatu orduko uztea erabaki zuten errentan hartu zutenek. Beraz, hutsik dago orain Elizatea eta hartzeko asmoa dutenek azaroaren 19rako aurkeztu beharko dituzte eskariak Herriko Etxean. Hasiera batean heldu den urteko bestak pasatu arte alokatzeko asmoa daukate.

Indarkeria sexistari aurre egiteko tailerra antolatu dute Igantzin urriaren 20an

  Gizartea  Bortziriak  Igantzi

Indarkeria sexistari aurre egiteko tailerra antolatu dute Igantzin urriaren 20an

Emakumeei zuzendua, Arantxa Arrieta Garcések eskainiko du euskaraz larunbat goizean

Indarkeria sexistari aurre egiten izeneko emakumeentzako tailerra antolatu du Bortzirietako Gizarte Zerbitzuen Mankomunitateak, Nafarroako Gobernuaren eta Equala aholkularitzaren laguntzaz Igantzin. Urriaren 20an,  larunbatean 10:00etatik 14:00etara eskainiko du euskaraz Arantxa Arrieta Garcések, Erretorebaitan.

Urriaro emankorra izanen da Igantziko Baratzondo Elkartearentzat

  Gizartea  Bortziriak  Igantzi

Urriaro emankorra izanen da Igantziko Baratzondo Elkartearentzat

Hilaren 9an Aguraingo feria bisitatuko dute, 12an Bazkidearen Eguna ospatuko dute eta mus eta partxis txapelketakere abiatzekotan dira

Hiru ekitaldi antolatu ditu Igantziko Baratzondo Elkarteak udazken hasiera honetarako. Urriaren 9an Aguraingo feria bisitatzera joateko asmoa dute, 08:00etan abiatuta. Arbizun geldituko dira bazkaltzen. Urriaren 12an, berriz, Bazkidearen Eguna ospatuko dute bazkari eder batekin, Azkenik, udazken gehiena iraunen duen mus eta partxis txapelketa jokatuko dute elkartean. Bazkide ez direnak ere aritzen ahal dira, bazkide batekin bikotea osatuz, beti ere. Joan den igandean itxi zuten ekitaldiotan parte hartzeko izen-ematea.     

Maika Ariztegik hamabosgarren aldiz Euskal Herriko koxkor biltze txapelketa irabazi du

  Kirola  Bortziriak  Igantzi

Igantzin igandean jokatutako herri kirol saioan, Iban Resanok irabazi zuen bigarren mailako aizkora txapelketa 


Igantziko bestetan ohikoa bihurtu den herri kirol jaialdian, herriko haur eta gazteen saioarekin batera, Euskal Herriko emakumeen koxkor biltze txapelketa eta Nafarroako bigarren mailako aizkora txapelketak jokatu zituzten. Koxkor biltzen, azken bi urtetan txapeldun orde izan ondotik, Maika Ariztegi iturendarrak bere hamabosgarren txapela lortu zuen, segundo bakarreko aldearekin. Aizkoran, Iban Resanok lortu zuen txapela eta berekin batera, Aresoko Asier Pellejerok lortu du lehen mailara igotzea. Argazkiak: Oskar Txoperena

»» Ikusi argazki guztiak (6)

Igantziko bestak irailaren 28tik urriaren 1era ospatuko dituzte

  Gizartea  Bortziriak  Igantzi

Igantziko bestak irailaren 28tik urriaren 1era ospatuko dituzte

Ortzirale arratsaldeko 8etan botako den txupinazoaren aitzinetik ginkana izanen dute 

Ate-joka daude Sanmigel bestak Igantzin ere. Irailaren 28tik urriaren 1era ospatuko dituzte. Ortzirale arratsaldeko 8etan botako dute lehen suziria, baina horren aitzinetik ginkana izanen dute. Ondotik, hainbat ekitaldi izanen dituzte. Larunbateko egun handiko ohiko ospakizunez gain, pilota partidak eta gauerdian betizuak izanen dituzte. Igandean herri kirolak izanen dira protagonista eta astelehenean, herri-bazkaria, Andoni Egaña eta Sustrai Colina bertsolariekin.

Argatagaraiko Elena Retegik irabazi du Igantziko XV. gazta lehiaketa

Argatagaraiko Elena Retegik irabazi du Igantziko XV. gazta lehiaketa

  Gizartea  Bortziriak  Igantzi

Ekitaldi ugari izan dituzte besten aitzineko aste hondarrean 

Igantziko bestetako atariko aste hondarreko egitarauan Gazta Lehiaketaren hamabosgarren edizioa izan da ekitaldirik garratzatzitsuenetako bat. Hamar etxetako gazta lehiatu dira eta epaileen erranetan hagitz maila polita eman dute aurtengo gaztak. Ordubeteko lana izan zuten, guti gora behera, hiru gaztarik hoberenak bereizteko. Bigarren daskateka egin behar izan zuten gainera, bigarren eta hirugarrenaren arteko berdinketa hausteko. Gauzak horrela, hauxe izan zen epaimahaiak erabakitako sailkapena: Argatagaraiko Elena Retegi izan zen txapelduna, Argaratebereko Maria Jose Lizardi bigarrena eta Txori Tokiko Juxta Sein hirugarrena. Ilunabarreko bestan gaztak daztatzeko aukera izan zuen jendeak. Argazkian gaztagile sarituak, epaileak eta haur laguntzaileak.

60 heldu eta 35 haur inguruk parte hartu dute Igantziko XXVIII. mendi bizikleta ibilaldian

  Gizartea  Bortziriak  Igantzi

60 heldu eta 35 haur inguruk parte hartu dute Igantziko XXVIII. mendi bizikleta ibilaldian

Asteetan antolatzaileek egindako lan guztiaren ondotik, eguraldia lagun, giro ederra izan zuten Igantziko XXVIII. mendi bizikleta ibilaldian. Herriko eta inguruko jende ugari bildu zen ibilaldian. 07:00etan hasi zen izen-ematea eta 09:00etan eman zitzaion hasiera helduen probari. 60 lagun inguru bildu ziren eta bi ibilbide izan zituzten aukeran: motza, 23 kilometro; eta luzea, 33 kilometro. 

XXVIII. mendi bizikleta zeharkaldia antolatu dute irailaren 2rako

  Kirola  Bortziriak  Igantzi

XXVIII. mendi bizikleta zeharkaldia antolatu dute irailaren 2rako

Haurrek ere parte har dezakete, herrigune inguruan eta ibilbide motzagoa izanen dute

Aurten hogeita zortzigarrenez antolatuko da Igantzin mendi bizikleta zeharkaldia, urterik galdu gabe jarraian. Bada zerbait. Iazko ibilbiderik luzeena 30 kilometro ingurukoa izan zen, gogorra nahitanahiez inguruko mendiak zeharkatzekotan.

La Villa ostatua eta jatetxea alokairuan eman nahi du Igantziko Udalak

  Gizartea  Bortziriak  Igantzi

La Villa ostatua eta jatetxea alokairuan eman nahi du Igantziko Udalak

Proposamenak aurkezteko epea abuztuaren 17ra arte zabalik dago

La Villa ostatua eta jatetxea alokairuan emateko asmoa du Igantziko Udalak. Proposamenak aurkezteko epea abuztuaren 17ra arte irekia dago eta baldintza plegua interesa dutenen eskura dago Igantziko udal idazkaritzan

«Igantziko Biltoki Elkartearen eskua ikusten da herriko ekintza gehienetan»

  Gizartea  Bortziriak  Igantzi

«Igantziko Biltoki Elkartearen eskua ikusten da herriko ekintza gehienetan»

Josetxo Arburua, Biltokiko lehen presidentea

Igantziko Biltoki Elkartearen sortu zenetik 40 urte bete dira aurten. Joan den asteburuan ospakizun handia egin zuten. Urteurrena aitzakitzat hartuta, zenbait galdera egin dizkiogu Josetxo Arburua Martinikorenari, elkarteak izan zuen lehenbiziko lehendakariari. 

Igantziko igerilekuan Plisti-plasta Liburudategia izanen dute uztailean eta abuztuan

  Gizartea  Bortziriak  Igantzi

Igantziko igerilekuan Plisti-plasta Liburudategia izanen dute uztailean eta abuztuan

Uztail eta abuztuan astelehenetik ortziralera

Aitzineko udan bezalaxe, aurten ere, Igantziko herritar talde batek liburutegi zerbitzua igerilekuan eskainiko du. Eguraldi eguzkitsua dagoen uztaileko eta abuztuko egunetan muntatuko dute Plisti-plasta Liburudategia.

Beñat Txoperena txirrindulari igantziarrak saiatuenaren saria lortu du Okzitaniako Errutako etapa batean

  Kirola  Bortziriak  Igantzi

Beñat Txoperena txirrindulari igantziarrak saiatuenaren saria lortu du Okzitaniako Errutako etapa batean

Lasterketa-buruan hainbat kilometro egin zituen larunbatean, belaunean min hartua izanagatik

Txirrindularitza profesionalean bidea egiten ari da Beñat Txoperena igantziarra, Euskadi-Murias taldean. Taldeak Okzitaniako Erruta proban parte hartu du eta larunbateko etapan, lasterketa-buruan hainbat kilometro ihesean eman zituen Txoperenak saiatuenaren saria lortu zuen. Etapa hura eta sailkapen orokorra Movistar taldeko Alejandro Valverdek irabazi zuen.

Sarrolako fabrika zaharra noiznahi botako dute Igantzin

  Gizartea  Bortziriak  Igantzi

Sarrolako fabrika zaharra noiznahi botako dute Igantzin

Gerra ondotik zerri urdaitegirako ireki zuen Agustin Cabra donostiarrak eta bakailu idortegia ere izan da 

Denbora gutiko kontua izanen da Sarrolako fabrikaren desagertzea Igantzin. Urte franko zeramazkien inork erabili gabe eta Herriko Etxearen aldetik saiakera aunitz izan da bertatik kentzeko. Eraikina hagitz hondatua dago eta teilatua pixkanaka erortzen ari da. 

Lekuz aldatzeko eskaera onartu dute Igantziko Biltokiko kideek

  Gizartea  Bortziriak  Igantzi

Lekuz aldatzeko eskaera onartu dute Igantziko Biltokiko kideek

Bazkideen %80ak eman zuen bere iritzia maiatzaren 6ko bozketan eta 173tik 122 bozka udaletxearen eskariaren aldekoak izan ziren

Inoiz hartu behar izan duten erabakirik garrantzitsuenetakoa bozkatu zuten joan den maiatzaren 6an Igantziko Biltoki Elkarteko bazkideek. Herriko Etxeak lekuz aldatzeko egindako eskaeraren garrantzia ikusita, erabakia bazkide guziek bozkatuta hartzekoa zela onartua zuen Juntak aitzin horretan. Bozketara behar bezala informatuak joateko, bilera izan zen aitzinetik, apirilaren 26an Baratzondon.

Elizatea guziz eraberritu nahi du Igantziko Udalbatzak

  Gizartea  Bortziriak  Igantzi

Elizatea guziz eraberritu nahi du Igantziko Udalbatzak

Eskolan sortutako handitze beharra eta La Villa jatetxe eta ostatuaren egokitzapena aldi berean konpondu nahi ditu 

Azken urte hauetan eskolan sortutako handitze beharra, alde batetik, eta La Villa jatetxe eta ostatuaren nahitanahiezko egokitzapena, bertzetik, izan dira Igantziko Udala Elizatea guziz eraberritzeko pausuak ematera eraman dutenak. Bi arazoak, bakoitza bere aldetik moldatzen saiatuak ziren lehendik, baina azkenean hagitzez egokiagoa iduritu zaie aipatutako bidea jorratzea.  

Igantziko inauteriak bukatzearekin batera, La Villa ostatua itxi dute

  Gizartea  Bortziriak  Igantzi

Igantziko inauteriak bukatzearekin batera, La Villa ostatua itxi dute

Otsailaren 4an izan zuen azken eguna Asier Iriartek

Atzo, otsailaren 4an, azken eguna izan zuen Asier Iriartek La Villa ostatuan. Eguberri aitzinetik inauteriak pasatu arte bakarrik segitzeko erabakia hartu zuen, eta horren jakitun ziren igantziarrak. Igantziko Ostatuan 2015eko uztailaren 17an hasi zuen ibilbidea eta hiru urte bete baino lehen hartu du uzteko erabakia. Azken egunerako, despedida gisara, gonbitea zabaldu zion herritar guztiei eta merendua prestatu zuen ostatura hurbildu nahi izan zutenentzat.

Iñaki Portu izendatu dute Igantziko Biltoki elkarteko presidente

  Gizartea  Bortziriak  Igantzi

Iñaki Portu izendatu dute Igantziko Biltoki elkarteko presidente

Ilbeltzaren 27an egindako urteko batzarrean aukeratu zuten junta 

IIlbeltzaren 27an egin zuten Igantziko Biltoki Elkartean bazkideen urteko bilera nagusia. Hasteko, 2017an antolatutako ekintzei eta izandako gorabeherei eman zitzaion errepasoa eta urteko kontuei gainbegiratu bat ere. Egoitzari dagokionez, komunak ezinduentzat egokitzeko eta biltegia txukuntzeko egindako lanak izan dira 2017ko ekintzarik aipagarrienak. 

Transbidasoa-Euromaster-Inurrieta master mailako txirrindularitza taldea aurkeztu dute Igantzin

  Kirola  Bortziriak  Igantzi

Transbidasoa-Euromaster-Inurrieta master mailako txirrindularitza taldea aurkeztu dute Igantzin

Zazpigarren denboraldia osatzeko iazko talde beretsua izanen du 

Joan den larunbatean, urtarrilaren 27an, master mailako Transbidasoa-Euromaster txirrindularitza taldearen aurkezpen ekitaldia egin zen Igantziko Biltokin. Hau taldearen zazpigarren denboraldia izanen da, 2012an sortu ondotik eta Lesakako Beti Gazte elkartearen babesa izanen du. 

Nabarmenak

Zorion agurrak