Espainiako Arkitektoen Elkargoaren Kontseilu Gorenak aurtengo Arkitektura Sarietarako izendatutako proiektuak zein diren jakinarazi zuen berriki. Nafarroakoak diren sei proiektuetatik bi eskualdekoak dira. Arkitektura Iragankorra izeneko atalean, Mugara arkitektura estudioko Ander Rodriguez Korta beratarraren Lamixeneko Nekazaritza Biltegia, eta, eraikinen atalean, Igantziko Elizatearen zaharberritze proiektua, RUE Arquitectos estudioarena.
Jakina da, Igantziko Udalak Elizatea egoitza zaharberritzeko erronka hartu eta ederra gelditu dela eraikina. Bertan, herriko eragileek probexteko moduko lekua dago, adibidez, Biltoki elkartea harat lekualdatu zen. Berri honi buruz eta herrian zertan ari diren jakiteko, Juankar Unanua Navarro alkatearekin  mintzatu gara.

Haurren proba larunbatean 12:30ean hasiko da eta helduena 15:30ean

Igantziko VII. Mendi Duatloia eginen dute apirilaren 25ean. Urtero bezala, adin guztietako emakume nahiz gizasemeek izanen dute parte hartzeko aukera, banaka edo binaka. Aurten froga Baztan-Bidasoko Duatloi txapelketarako puntuagarria izanen da. Haurrek larunbatean 12:30ean izanen dute beraien froga (Izen ematea 11:45etik 12:15era). 15:30ean izanen da helduen txanda.