Muserako aukerak zabalduz, Igantziko Biltoki eta Sunbillako Ulibeltzak elkarteak elkarlanean hasi ziren joan den urtean, lehen aldiz bi herrietako mus txapelketa antolatuz. Aurten, mus txapelketaren bigarren edizioa antolatu dute. Parte hartzeko bikoteko kide bat behintzat elkarte bateko bazkidea izatea nahitaezkoa izanen da eta izena ematerakoan bikoteko 20 euro ordaindu beharko dute. Azaroaren 6an egin dute lehenbiziko hitzordua, ortziralean 21:30ean Igantziko Biltoki elkartean.
Azaroko ortzirale guztietan jokatuko dituzte txapelketako partidak, Igantzin eta Sunbillan txandan. Honela, hilaren 13an Sunbillan, hilaren 20an Igantzin eta hilaren 27an Sunbillan jokatuko dute, beti 21:30ean hasita. Jardunaldi bakoitzeko emaitzekin sailkapen orokorra ere osatzen joanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.