Urrian baino hamahiru gehiago dira

Urrian bezala, azaroan ere goiti egin du langabetu kopuruak eskualdean. Zehazki, azaroaren 30ean 539 ziren Doneztebeko Enplegu Bulegoan izena emandakoak, urri hondarrean baino hamahiru gehiago eta irailean baino 36 gehiago. Zerbitzuen arloak segitzen du langabetu gehien izaten, eta azaroa igoerarik handiena izan duen arloa da gainera, 19 langabetu gehiagorekin (401). Industria arloan, aldiz, urrian baino sei langabetu guttiago zeuden azaro hondarrean (81). Eraikuntza arloan langabetu bat gehiago zegoen (20), eta aitzinetik lanik egin gabekoen artean langabetu bat guttiago zegoen (24). Nekazaritza-abeltzaintza arloan urriko langabetu kopurua mantendu da azaroan ere (13).

Ondoko koadroan herriz herriko datuak eta urtez urteko konparazioa ikus dezakezue.

Onegia da botatzeko /Nik eramango dut kanpainak 70.000 tuper banatuko ditu Nafarroako hondakinen partzuergoan dauden mankomunitate guztietako 650 ostalaritza-lokaletan. Kanpaina honen helburua elikagaiak alferrik ez galtzea eta hondakinak prebenitzea da. Gainera, parte hartzen duten jatetxeek eta ostatuek, kanpaina hau ilustratzen duten 160.000 mahai-zapien bidez janari-soberakinak aprobetxatzeko gonbidapena eginen diete bezeroei, Nik eramango dut lelopean. Nafarroa osoko kanpainaren aurkezpena Bortzirietan egin zuten asteazken eguerdian, zehazki Berako Churrut hoteleko Lenkonea ostatuan.