Cederna Garalur Elkarteak hirugarren laguntza deialdia abiatu du Nafarroako Mendialdeko udalerrietan landa garapenerako proiektuak bultzatzeko. Deialdi honetako aurrekontua 1,6 milioi eurotik goitikoa da, lurraldeko ekonomia jarduera sendotzeko, ekintzailetza sustatzeko eta tokiko zerbitzuak eta ekipamenduak hobetzeko.

Igande honetan, irailak 27, Gartzaingo bestetako zopetarako eta zikirorako txartelak salgai izanen dira herriko plazan. 09:30etatik 11:00etara izanen dira txartelak salgai gartzaindarrentzat, eta 11:00etatik 13:00etara, herrikoak ez direnentzat. 30 euroren truke eskuratu ahal izanen dira zopetako txartelak eta 35 euroren truke zikiroarenak.