Joan den astean, Legasatik Irisora doan pistan, 700 metrotan hormigoia bota dute. Lan guztia auzolanean egin dute legasarrek eta lan ikaragarria egin dute. Legasatik Irisora doan pista honek 3 kilometro inguru ditu, eta joan den asteko lanaren ondotik, bertze 700 bat metro geldituko dira pista guztia zolaberritua egoteko. Egunero zortzi pertsona inguru bildu dira lanean, ehiztariak eta nekazariak gehien bat. Lana egiteko materiala, berriz, Bertizaranako udalak ordaindu du.

Garai batean Bidasoko Trenak Legasan zuen geltokian egin zuten 1999an Legasako pilotaleku estalia, oraingoz Bertizaranako pilota plaza estali bakarra dena, eta 320.000 euro inguru kosta zen, garai hartako 53 milioi pezeta. Halaxe kontatu zion Migel Andresenak, Legasako alkateak, Ttipi-Ttapa Telebistari.