Arkupeak elkarteko mendi taldeak hilabeteroko txangoa egin du maiatzaren 20an. Eguraldiarekin kezka baldin bazuten ere, astearteko eguraldi ederra aprobetxatu eta Hondarribiko Guadalupe ingurutik abiatu eta Jaizkibel mendian ibili ziren 75 mendizale, aunitzetan Kantauri itsasoaren bazterrean. Ibilbide polita egin zuten eta indarrak berreskuratzeko, Berako Zalain jatetxean beti bezain ederki bazkaldu zuten. Irudiak: Joxe Zubieta

Heldu den ortziralean hasiko da Euskaraldiaren laugarren edizioa. Herriz herri txapen banaketa egiten ari dira egunotan eta Malerrekako eta Bertizaranako Euskaraldiko Batzordeak jakinarazi duenez, Eratsunen igandean, maiatzaren 11n eginen dute 12:00etatik 13:30era.