Euskal Jai Berri Fundazioak, Martikoren babesletzarekin, antolatutako buruz buruko erremonte txapelketa azaroaren 28an abiatuko da, baina aitzinetik bi aurrekanporaketa jokatuko dituzte. Horietatik lehena azaroaren 14an, larunbatean 18:00etan hasita jokatuko dute Doneztebeko Ezkurra pilotalekuan. Triangeluarra formatuan jokatuko dute, Errekako erremonte eskolako pilotarien arteko partidarekin hasiko den jaialdian.

Baztango Musikazaleen Elkarteak 'Urtaro bat, kontzertu  bat' ekimena abiatu du berriz ere eta udazkeneko hitzordua azaroaren 14an izanen da, Iruritako Gizarte Bilgunean 18:00etan. Hiru talde izanen dira oholtzaren gainean: Tabuka Urdazubi eta Baztango metal taldea, Purpurine pop-rock talde baztandarra eta Erratzu eta Berako Lauso pop-rock taldea.