Aranabia pilotalekuan hiruna erremontistekin bi kanporaketa jokatuko dituzte eta irabazleek Utergaren kontra jokatuko dute final laurdenetan
Iruritako lehen kanporaketan, Osesekin batera, David Mitxeo doneztebarra eta Mikel Mikelarena oiztarra ariko dira, eta bertzean, Koteto Ezkurra III.arekin batera ariko dira Barricart eta Jon Sagaseta iruritarra. Bigarren kanporaketa hauetako bi irabazleak sartuko dira azaroaren 28an hasiko den buruz buruko txapelketan. Final laurdenak jokatuko dituzte, hauek ere triangeluar formatuan eta Xanti Uterga doneztebarra izanen dute esperoan. Izan ere, Utergak, lesio baten ondorioz, ez zuen joan den urteko txapelketa jokatzerik izan eta aurten final laurdenetan hasiko da.
Aitzinetik, Iruritako erremonte eskolako gaztetxoek partida jokatuko dute.
Txapelketako jaialdi guziak bezala, Iruritakoa ere EM Navarra elkartearen alde izanen da (Nafarroako Esklerosi Anizkoitzaren Elkartea). Ez da sarrerarik kobratuko, baina borondatez nahi dena ordaintzen ahal da.