Igandean jokatuko dituzte lehen kanporaketak Iruritan eta Erratzun, finalerdiak hilaren 22an eta finala hilaren 29an Iruritan
Aipatu bezala, azaroaren 15ean, igandean jokatuko dituzte lehen kanporaketak. Iruritako Aranabia pilotalekuan hiru talde izanen dira. 16:30ean G taldea (Xabi Barberena, Gorka Urtasun eta Joxe Itoiz), C taldearen (Markel Leatxe, Jon Sagaseta eta Mikel Mikelarena) kontra ariko dira. 17:20an lehen partida horren irabazlea A taldearen (Mikel Telletxea, Ugutz Zelaieta eta Jon Apeztegia) ariko da. Hirugarren partidan, 18:00etan lehen partidako galtzailea ariko da A taldearen kontra.
Erratzun jokatuko dituzte kanporaketak bertze lau taldeek igande arratsaldean. 15:00etan F taldea (Manu Irigoien, Mikel Sagaseta eta Kaiet Itoiz), D taldearen (David Mitxeo, Goio Mindegia eta Daniel Pio Garcia) kontra ariko dira; 15:45ean B taldea (Ioritz Zelaieta, Iker Bereau eta Jon Oiarzabal), E taldearen kontra (Eneko Maylin, Unai San Miguel eta Xuban Ilarregi) ariko da; 16:30ean D taldea, E taldearen kontra; 17:15ean F taldea, B taldearen kontra; 18:00etan F taldea, E taldearen kontra eta 18:45ean B taldea, D taldearen kontra.
Finalerdiak azaroaren 22an jokatuko dituzte Iruritan bi multzotako bi lehenbiziko sailkatuek, 17:00etan eta 18:00etan. Azaroaren 29an, berriz, hirugarren posturako partida jokatuko dute 17:00etan eta finala 18:00etan.