Euskal Jai Berri Erremonte Fundazioak antolatutako Binakako Erremonte Profesionaleko-Reyno Gourmet Sari Nagusiko azken finalistak ezagutu dira larunbat honetan Etxarri-Aranatzen jokatutako finalerdien itzulerako partiden ondotik. Maila nagusian, joaneko partidan, tanto bakarragatik irabazi zieten Matxin III.ak eta David Mitxeo doneztebarrak, Xanti Uterga doneztebarrari eta Barricarti. Buelta izan zitekeen, baina ez zen halakorik izan, berriz ere Matxin III.a eta Mitxeo nagusitu baitziren, oraingoan bortz tantoko aldearekin (30-35).
Promozio mailakoan, berriz, Zelaietaren ordez aritu zen Osesek eta Agirrezabalak 35-30 irabazi zieten, Jon Sagaseta iruritarrari eta Baztani, finalerako txartela eskuratuz.