Bigarren finalerdietako itzulerakoa jokatuko dute Sagaseta-Baztanek, Oses-Agirrezabalaren kontra (promozio mailan) eta Uterga-Barricartek, Matxin III.a-Mitxeoren kontra (lehen mailan)
Promozio mailako partidan, Jon Sagaseta iruritarra eta Baztan, Zelaieta oiztarraren ordez ariko den Osesen eta Agirrezabalaren kontra ariko dira (joanekoak 26-35 irabazi zuten azken hauek) eta lehen mailan, Xanti Uterga doneztebarra eta Barricart, Matxin III.aren eta David Mitxeoren kontra (joanekoan tanto bajaragatik irabazi zuten azken hauek). Jaialdian biltzen den dirua Josefina Arregui Klinikara bideratuko dute.
Finalerdia gainditzen dutenek, urriaren 31n Luzaiden jokatuko den finalean izanen dira eta, promozio mailan, Koteto Ezkurra III.a doneztebarra eta Markel Leatxe donamariarra eta, lehen mailan, Eloy Otxandorena doneztebarra eta Ion izanen dituzte esperoan.