Nafarroako XXVII. Paxaka Txapelketako finalerdietako protagonistak erabaki dira

Ttipi-Ttapa

Nafarroako 27. Paxaka txapelketako finalerdiak jokatuko dituzte igande arratsaldean Iruritako Aranabia pilotalekuan.

Nafarroako XXVII. Paxaka Txapelketako lehen kanporaketak jokatu dituzte igande honetan Iruritako Aranabia eta Erratzuko pilotalekuetan eta, gisa honetara, azaroaren 22an Iruritan jokatuko diren finalerdietako protagonistak ere erabaki dira.

 

Azaroaren 22an, igandean jokatuko dituzte Iruritako Aranabian, azaroaren 29ko finaleko txartelaren bila

Iruritako Aranabia pilotalekuan hiru talde aritu ziren. Lehen partidan, G taldeak (Xabi Barberena, Gorka Urtasun eta Joxe Itoiz) 7-3 irabazi zion C taldeari (Markel Leatxe, Jon Sagaseta eta Mikel Mikelarena). Bigarren partida ere 7-4 irabazi zion G taldeak A taldeari (Mikel Telletxea, Ugutz Zelaieta eta Jon Apeztegia). Hirugarren partidan, A taldeak 7-3 irabazi zion C taldeari.

Erratzun, berriz, lau talde aritu ziren eta partidak sei jokotara jokatu zituzten. F taldeak (Manu Irigoien, Mikel Sagaseta eta Kaiet Itoiz) 6-1 irabazi zion D taldeari (David Mitxeo, Goio Mindegia eta Daniel Pio Garcia); B taldeak (Ioritz Zelaieta, Iker Bereau eta Jon Oiarzabal) 6-1 irabazi zion E taldeari (Eneko Maylin, Unai San Miguel eta Xuban Ilarregi); D taldeak 6-3 irabazi zion E taldeari; B taldeak 6-3 irabazi zion F taldeari; F taldeak 6-3 irabazi zion E taldeari eta B taldeak 6-4 irabazi zion D taldeari.

Finalerdiak azaroaren 22an

Honela, finalerdiak azaroaren 22an jokatuko dituzte Iruritan bi multzotako bi lehenbiziko sailkatuek. Igandean, 16:15ean B taldea (Ioritz Zelaieta, Iker Bereau eta Jon Oiarzabal) A taldearen (Mikel Telletxea, Ugutz Zelaieta eta Jon Apeztegia) kontra eta igandean, 17:15ean F taldea (Manu Irigoien, Mikel Sagaseta eta Kaiet Itoiz), G taldearen (Xabi Barberena, Gorka Urtasun eta Joxe Itoiz) kontra.

Azaroaren 29an, berriz, hirugarren posturako partida jokatuko dute 17:00etan eta finala 18:00etan.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun