Nafarroako Gobernuko Memoria eta Bizikidetza, Kanpo Ekintza eta Euskara Departamentuak, Euskarabidea - Euskararen Nafar Institutuaren bitartez, Euskera ahora urteroko kanpaina berritu du, helduek euskara ikas dezaten bultzatzeko. Gaur egun, 5.800 pertsona helduk baino gehiagok parte hartzen dute prestakuntza honetan. Aurten, lehen aldiz, doakotasuna lortu da A1 eta A2 mailetan izena ematen duten pertsonentzat, kanpaina aurkezteko ortzegunean egindako prentsaurrekoan jakinarazi zutenez.

Abuztuan Pirinioetara ateraldia egin ondotik, denboraldi berrian ere mendira ateratzeko ohiturari eutsi nahi dio Arkupeak elkarteko mendizale taldeak. Oraingoan, hilabeteko hirugarren astearteari esperatu gabe, irailaren 1ean ibili dira Berastegiko mendietan 70 bat mendizale. San Lorentzo baselizara igo eta mendi txangoa egin ondotik, Berastegiko Ategi jatetxean ederki bazkaldu zuten. Irudiak: Joxe Zubieta