Gurasoak nola trebatu seme-alabei mugikorren erronken aitzinean hezteko izenburupean hitzaldia antolatu dute Bortzirietako Gizarte Zerbitzuak eta Gotti burua Bortziriak taldeak, Nafarroako Gobernuaren, Lesakako Udalaren eta Lesakako Liburutegiaren laguntzarekin. Urriaren 19an, astelehenean 17:00etan Lesakako liburutegian emanen du solasaldia euskaraz Orain Prebentzioa taldeko Mikel Cerezok.
Gotti Burua Bortziriak taldearen hurrengo bilera azaroaren 3an
Bitarte honetan gaiarekin lotura duten irakurgaiak eskuragarri daude liburutegian bertan. Irakurtzera, entzutera eta Gotti Burua Bortziriak guraso mugimenduan parte hartzera animatu nahi dute. Hurrengo bilera azaroaren 3an izanen dute, asteartean 17:00etan Lesakako Albistur karrikako 2. zenbakian.
