10:00

13:00

'Ongi elikatu, hobe sentitu' tailerra

‘Ongi elikatu, hobe sentitu’ tailerra antolatu du Lesakako San Fermin erretiratuen elkarteak, Lesakako Udalaren laguntzarekin, ekainaren 17an, asteazkenean 10:00etatik 13:00etara jubilatuen ostatuan. Txartelak erosteko azken eguna ekainaren 15a, astelehena, izanen da, jubilatuen ostatuan. Bazkideek 15 euro ordaindu beharko dute eta bazkide ez direnek 30 euro.

19:00

20:30

Indarkeria matxistarik gabeko herriak ehuntzen

Indarkeria matxista erro sakonak dituen egiturazko arazoa dela onartuta, aurten arreta eta prebentzioa urteko 365 egunetara zabaltzeko apustu irmoa egin du Bortzirietako Mankomunitateko Berdintasun Zerbitzuak. Orain, besten eragileei (ostatu, txosna, elkarte eta herri taldeetako kideei) zuzendutako formazio saioa eginen du ekainaren 17an, asteazkenean 19:00etatik 20:30era Lesakan erabilera anitzeko aretoan (Koskontako bidea, 7 - 2.).

18:00

19:00

Muxikoak eta dantza piko Lesakan

Larunbatean 18:00etan hasiko da Beti Jauzi Muxiko Dantxa taldearen emanaldia, AunitzUrtez erromeria taldearen laguntzarekin Heldu den ekainaren 20an, Beti Jauzi Muxiko Dantza Taldeak emanaldia eskainiko du Lesakako Plaza Zaharrean (euria eginez gero, frontoian ospatuko da), 2026ko Bortziriak Dantzan ekimenaren barrenean. Muxikoak eta dantza piko dantzatuko dituzte, Aunitz Urtez erromeria taldearen laguntzarekin. Denentzat irekia izanen da eta 18:00etan hasiko da.

Pantxoa eta Peioren kontzertua Lesakan

Pantxoa Karrerek eta Peio Ospitalek heldu den urteko ilbeltzaren 9an eta 10ean eginen dituzte azken kantaldiak Barakaldoko BECen (Bizkaia). Baina horien aitzinetik, maiatzean hasita, bortz kontzertu iragarri dituzte Euskal Herrian barna; horietako bat izanen da Lesakakoa.