Lau negozio ildo ditu Alkainek: burdindegia, etxe eta bainugelak, eraikuntza eta sukaldeak. Sukaldeen departamentuan egiten du lan Carlos Etxebestek, eta azaldu duenez, «bezeroaren ideiatik abiatuta, neurrira egiten ditugu. Sukalde funtzionala izatea nahi dugu, espazioa ongi probesten duena eta bezeroaren beharrak betetzen dituena».

30 urte bete ditu aurten Berako Ostargi optikak eta Bea Artolak erran duenez, «hagitz azkar pasatu zaizkit. Argi nuen herri ttiki eta euskaldun batean ireki nahi nuela optika eta urte hauen guzien ondotik hagitz kontent nago dendarekin eta jendearen erantzunarekin». Gainera, «azken bi urteetan entzumena ere zaintzen hasi naiz, eta hori ere hagitz garrantzitsua da».