Azaldu duenez, «azken urteetan Donostiak hiri bezala daukan erakargarritasuna handitu da, eta mundu mailan ezaguna egiten ari da; hiri ttikia, oso polita eta ondo jaten dena». Gainera, «sasoikotasuna galtzen ari dela nabaritzen dugu, garai batean Aste Santua eta uda izaten ziren sasoi jendetsuenak eta orain urte osoan etortzen zaigu kanpoko jendea».
Gainera, berritasun ugari dituzte aurten. Batetik, «31 akuario ditugu eta jaiotza asko izan ditugu aurten: marrazoak, manta arraiak, marmokak, itsas zaldiak… polita izaten da. Museoan ere berritasun lan batzuekin hasi gara, eta hurrengo urtean eraberritze lanak eginen ditugu. Azkenik, 2028an 100 urte beteko ditu eraikin honek eta hori ospatzeko prestaketetan ari gara buru-belarri».