Hori dela eta, bonu berri bat paratu dute martxan, «45 minutuko spa saio bat bi lagunentzako gure spa pribatuan eta, ondotik, bazkaria jatetxean bailarari begira, naturan egonen bazina bezala». Bertako kartak «kalitatezko produktuak» eskaintzen ditu, «gehienak tokiko ekoizleenak eta ekologikoak». Gainera, «jatetxeko bezeroek aunitz estimatzen dituzte gure angula, arrain eta itsaskiak, abakandoa batez ere, egunean bertan arrantzatutakoak».
Etorkizunera begira, «inguruan dugun jendearengana ailegatzea da gure erronka, aukera eskaintzea etxetik hurbil daudenei, jatetxean spa saio eta bazkariaz gozatu ahal izateko».