Carlos Garcia Sutondoko sukalde arduradunak azaldu duenez, «txuleta da gure produktu izarra eta kalitate handiko haragiekin egiten dugu lan, hala nola, Galiziako behi txuletoia eta Simmental arraza. Haragi zein arrainetan, goi mailako produktuak eta aukera zabala eskaintzen dugu, beti tokiko ekoizleekin elkarlanean».
Jende ugarik bisitatzen du jatetxea egunero, «gehienbat Ipar Euskal Herritik eta Frantziatik etortzen direnak. Baina Hegoaldetik etortzen den jendea ere badugu, gero eta gehiago. Euskal Herriko gastronomia zoragarriaren parte gara eta sentimendu berezi hori sukaldera eramatea dugu helburu».