Neguko denboraldian denetik egiteko aukera izaten da: pilates, igeriketa, zahartze aktiboa, triatloi eskola, yoga, indarra, spinning, zumba, kirol jolasak… udan, berriz, igerilekuan zentratzen dira. «Ekainaren 1etik 15era instalazioak hetsiko ditugu igerilekuan mantentze lanak egiteko, eta ekainaren 16tik irailaren 15era izanen dugu udako denboraldia».
Udan 6-12 haurrendako kirol jolasak eginen dituzte goizez: «joan den urtean bi txanda egin genituen eta jendea kanpoan gelditu zen, hortaz, aurten hiru eginen ditugu, bat uztailean eta bi abuztuan». Horrez gain, «5 urtetik aitzineko haurrendako igeriketa ikastaro intentsiboak eginen ditugu, txanda bat uztailean eta bertzea abuztuan».
Jardueretan parte hartzeko izena ematea webgunetik egitea gomendatu du, «erraza eta azkarra baita», baina telefonoz edo bertako bulegoan egiteko aukera ere ematen dute.