Urriaren 12an Zubietan ospatu zen Euskararen Egunean egindako zozketan sarituak izan ziren 0677 eta 0557 zenbakien jabeak ez dira agertu. 0677 zenbakia hirugarren sariari dagokio (Elgorriagako bainuetxean zirkuitua eta otordua) eta 0557 zenbakia laugarren sariari (MP4a). Larunbata, urriaren 26a, izanen da jakinarazteko azken eguna, eta horretarako, zenbaki horien jabeek herriko gazteren batekin harremanetan jarri beharko dute.

Baserritar jantziak soinean, hamaika ekitaldiz gozatu dute asteburuan zubietar eta bisitariek. Ostiralean, urteroko ohiturari eutsiz, pintxo lehiaketa eta mus txapelketa izan zituzten. Herritarrek mikro-ipuin eta ilustrazio lehiaketara aurkeztutako lanak eta Ameli ipuin-kontalariaren istorioak atseginez aditu zituzten. Argazkiak: Izaskun Zubialde.