Cederna Garalur Elkarteak hirugarren laguntza deialdia abiatu du Nafarroako Mendialdeko udalerrietan landa garapenerako proiektuak bultzatzeko. Deialdi honetako aurrekontua 1,6 milioi eurotik goitikoa da, lurraldeko ekonomia jarduera sendotzeko, ekintzailetza sustatzeko eta tokiko zerbitzuak eta ekipamenduak hobetzeko.

Inoiz baino egitarau zabalagoarekin eta ekitaldiak asteburu osora zabalduta, Zubietako Euskararen Eguna antolatu dute aurten herriko gazteek urriaren 9tik 11rako astebururako. Herri bazkarirako txartelak asteburu honetan jarriko dituzte salgai herriko plazan: larunbatean 11:30etik 13:30era eta 18:00etatik 20:30era (herritarrentzat edo herriarekin lotura dutenentzat), eta igandean, 12:00etatik 14:00etara eta 17:30etik 19:30era (denentzat eskuragarri).