Mikel Santesteban zubietarra ariko da Euskal Herriko hirugarren mailako aizkolari txapelketako kanporaketan

Ttipi-Ttapa

Mikel Santesteban Goizueta aizkolari zubietarra izanen da eskualdeko ordezkari bakarra Euskal herriko hirugarren mailako aizkolarien kanporaketan, larunbatean Lazkaon.

Euskal Herriko hirugarren mailako aizkolari txapelketako kanporaketa jokatuko dute azaroaren 14an, larunbatean 18:30ean hasita Lazkaon. 29 aizkolari ariko dira lehian, tartean Mikel Santesteban Goizueta zubietarra, finalerako sei txartelen bila. Launa kanaerdiko (54 ontzako lau enbor) moztu beharko dituzte.

Larunbatean 18:30ean Lazkaon izanen dute hitzordua 29 aizkolarik, finalerako sei txartelen bila

Mikel Santesteban zubietarrarekin batera, Borja Fernandez, Urtzi Olasagasti, Julen Kañamares, Igoin Pikabea, Iker Goldarazena, Joanes Izagirre, Haritz Goena, Daniel España, Xabier Gartzia, Manex Izagirre, Jon Bengoetxea, Aritz Oiarbide, Aritz Oregi, Iñigo Zabala, Txomin Amundarain, Beñat Elorrieta, Ioritz Gisasola, Urko Erize, Beñat Amade, Ander Altuna, Kimetz Alzola, Ezequiel Martinez, Jokin Larrieta, Ibai Criado, Edorta Atin, Julen Aranberri, Manuel Fraile eta Jose Maria Benito lehiatuko dira.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun