Herri eredugarria sarirako hautagaia da Zubieta eta azaroaren 17ko jaialdira joateko izena eman daiteke urriaren 30era bitarte
Izena emateko, Zubietako herriko etxera deitu edo bertara joan beharko da. 50 lagun baino gehiagok izena emanez gero, zozketa publikoa eginen dute urriaren 30ean, ostiralean, 11:00etan.
Navarra Televisión telebista katearen gala azaroaren 17an, asteartean 20:00etan hasiko da. Autobusa 18:00etan abiatuko da Zubietatik.
Autobusa hartu gabe, bere kabuz joan nahi duenak ere izena eman beharko du herriko etxean.
Estefi Etxebeste eta Ekaitz Bertiz ere hautagai
Herri eredugarri kategorian beste bi herri dira hautagaiak Zubietarekin batera: Ribaforada eta Andosilla.
Dena den, Zubietako herria ez da eskualdean saria har dezakeen hautagai bakarra. Kirol balioen sarirako, Iturengo Estefi Etxebeste harri altxatzailea da hautagaietako bat, Mikel Merino futbolariarekin eta Maria Asurmendi saskibaloi jokalariarekin batera. Gazte balioen sarirako, berriz, Ekaitz Bertiz Sunbillako zinemagilea da hautagaietako bat, Lucía Jaso dantzariarekin eta Martina Calvo padel jokalariarekin batera.