Kirol asteburuak denetariko emaitzak utzi ditu eskualdeko kirol taldeentzat, baina eskubaloian kaxkarrak izan dira: Errekako bi talde nagusiek eta Baztango BKTk galdu egin dute. Futbolean, denetarik izan da. Aurrerak eta Baztan Bk berdindu egin zuten Nafarroako erregionaleko derbian. Gure Txokoak etxean eta Doneztebek, Beti Gaztek, eta Leitzaldeako emakumeek etxetik kanoi garaipenak lortu dituzte, baina Baztanek eta Doneztebe Bk galdu. Errugbian ere, denboraldiko lehen garaipena lortu du BRT Menditarrak errugbi taldeak, baina Sarako Izarrak galdu egin du Paue aldean.

Gure Txokoak ere etxean jokatuko du, baina gainerako futbol, eskubaloi eta errugbi talde nagusiek kanpoan izanen dituzte asteburuko partidak

Ez joan den asteburuan adina, baina kirol asteburu honek ere ekarriko dizkigu zenbait derbi. Futbolean, erregionaleko derbia jokatuko dute Leitzan Aurrerak eta Baztanek eta Baztango eta Beti Gazteko neska infantilak ere elkarren kontra ariko dira. Gainera, futbol-7 eta futbol-8an hasiak dira eskualdeko haurrak eta horietako aunitz ere elkarren kontrako partidak izanen dituzte. Gainerakoan, Gure Txokoa futbol talde nagusiak bakarrik jokatuko du etxean, bertze talde guztiek kanpoan. Eskubaloian eta errugbian ere, etxetik kanpo ariko dira Erreka, BKT, Sarako Izarra eta BRT Menditarrak talde nagusiak. Eskubaloian ere derbia jokatuko dute Errekako eta Baztango BKTko neska infantilek.