Belate tuneletako eta N-121-A errepideko korridore osoko obrek kaltetutako eskualdeko EH Bilduko alkateekin bilera egin ondotik, adierazpenak egin zituzten atzo Ultzamako Bentan, Laura Aznal Nafarroako bozeramaileak. «Nafarroako lehen indar munizipalista gisa, erakundeen arteko parte-hartzea, gardentasuna eta ziurtasunak» eskatu dizkiote Nafarroako Gobernuari. EH Bilduren arabera, «Belateko obrak premia absolutua dira: herritarren beharrak eta interes publikoa lehenetsi behar dira».

XI. Nafarroako Azoka Ekologikoak, produktuak jan zein salduko diren merkatuan ezarritako hogeita hamar postuez gain, EKOtopaketak izeneko eremu bat gaituko du showcooking edo lantegiak eta dibulgazio jolasak egiteko, haurrentzat, bai eta EKOtaberna bat ere, hainbat proposamen gastronomiko dastatzeko edo musika emanaldiez gozatzeko, elikadura ekologikoarekin lotutako bertze hainbat proposamen eta txokoen artean.