N-121-A

N-121-A errepidearen bikoizte lanekin segitzeko, hasi dira lanean Belateko eta Almandozko tunelen arteko zatian

Ttipi-Ttapa 2025eko abenduaren 23a

N-121-A errepidea bitan banatzeko Belate eta Almandoz arteko zatian, oraingo galtzadaren eskuinaldean mendi mazelari zati bat kenduko dute, erdibitzaile batek bereizitako bi galtzada egiteko adina leku egon dadin. Galtzada berria, Irungo noranzkoan, oraingoaren eskuinaldean geldituko da, mendiaren aldetik. Eta Iruñerako noranzkoan, aldiz, 210 metroko luzera izanen duen zubibide eginen dute, bi errei izanen dituena.

Egunotan, lur mugimenduak hasi aitzineko prestatze lanetan hasi dira, mendi mazeletako sastrakak kentzen.

Proiektuan aurreikusi duten zubibidea Almandozko tunelaren aldetik altxatuko dute.

Hartara, errepidea bitan banatzeko lanen barnean, ezpondak azkartzeko obrak eginen dituzte, eta Mendiola auzora sartzeko bideak berritzea ere aurreikusi dute.

Gizartea Baztan

Erlazionatuak

Belateko eta Almandozko tunel berrien arteko zatiaren obrak 15,9 milioi euroan esleitu dituzte

Ttipi-Ttapa aza 13 Baztan Almandoz

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun